भारत केरऽ सामना आय फ़ीफ़ा फुटबॉल अंडर -१७ वर्ल्ड कप म॑ दू बार केरऽ वर्ल्ड चैंपियन घाना स॑

नई दिल्‍ली: फ़ीफ़ा अंडर-१७ वर्ल्ड कप म॑ अमेरिका आरू कोलंबिया स॑ पराजित होला के बाद आय  भारतीय टीम केरऽ सामना दू बार केरऽ वर्ल्ड चैंपियन घाना स॑ होतै ।

अमेरिका क॑ जबरदस्त टक्कर देला के बाद आरू कोलंबिया प॑ १ गोल तक दागै वाला भारतीय टीम केरऽ मनोबल उँचा छै । भारत के सामना म॑ आय बहुत बड़ऽ चुनौती छै । लेकिन आगू के राउंड म॑ जाय लेली भारतीय टीम क॑ आय हर हालत म॑ जीत के ज़रूरत छै । ऐसनऽ म॑ दिल्ली म॑ होय वाला मैच म॑ रोमांचक मुक़ाबला होय के उम्मीद छै ।

फ़ीफ़ा अंडर-१७ वर्ल्ड कप म॑ अमेरिका के हाथ भारत क॑ अपनऽ पहलऽ मैच म॑ ०-३ स॑ हार के सामना करै ल॑ पड़लऽ छेलै । वहीं कोलंबिया स॑ भी भारत न॑ १-२ स॑ हारी गेलै ।

[caption id="attachment_1808" align="alignnone" width="988"] फुटबॉल - फीफा - U-17 कप[/caption]

भारतीय अंडर 17 टीम केरऽ मुख्य कोच लुई नॉर्टन डी माटोस अमेरिका आरू कोलंबिया स॑ हार के बावजूद मुक़ाबला लेली अपनऽ फ़ौज क॑ तैयार करै म॑ लगलऽ छै ।

भारत क॑ अगर ई टूर्नामेंट म॑ बनलऽ रहना छै त॑ ओकरा घाना के खिलाफ ४-० स॑ जीत हासिल करै ल॑ परतै ।