Angika News | कवि गोष्ठी मँ अंगिका भाषा के महत्व आरू जरूरत के विषय प भेलै चरचा | Angika.com
सुलतानगंज । 28 जनवरी, 2021 ।
सुलतानगंज लगाँ पैन गाँव मँ आयोजित कवि गोष्ठी मँ अंगिका भाषा के महत्व आरू जरूरत के विषय प चरचा करलो गेलै । ई कवि गोष्ठी के आयोजन सदानंद सिंह मेमोरियल व योग केंद्र तरफौ सँ तुलसी साहित्य अकादमी शाखा भागलपुर के तत्वाधान मँ करलो गेलै । गोष्ठी मँ अंगिका भाषा के महत्व आरू जरूरत के विषय प चरचा भी करलो गेलै ।
पैन गाँव मँ आयोजित ई कवि गोष्ठी मँ डॉ. आभा पूर्वे कथा साहित्य किताब केरौ लोकार्पण भेलै । साथ ही पैन गाँव मँ अंगिका महोत्सव मनाबै के प्रस्ताव प भी चरचा भेलै । युवा के बीच मँ अंगिका भाषा के जागरूकता क ल क विस्तार सँ चरचा भी होलै आरू अंगिका भाषा के प्रचार-प्रसार क ल क भी गंभीर चर्चा होलै ।
आयोजित अंगिका गोष्ठी मँ जहाँ एक दन्नें स्थानीय विधायक प्रो. ललित नारायण मंडल नँ आपनौ विचार व्यक्त करलकै वहीं अंगिका भाषा केरौ कवि सिनी नँ आपनौ काव्य प्रस्तुति सँ उपस्थिति जनों सिनी क मंत्र मुग्ध करी देलकै ।
कवि गोष्ठी मँ आपनो अंगिका कविता पाठ करै वाला कवि सिनी मँ शामिल छेलै - डॉ. अमरेंद्र, लक्ष्मी नारायण मधुलक्ष्मी, हीरा प्रसाद हरेंद्र, सुधीर कुमार प्रोग्रामर, अंजनी कुमार शर्मा, महेन्द्र निशाकर, प्रीतम विश्वकर्मा कवियाठ, मनीष गूँज, जयंत जलद, सच्चिदानंद किरण, देवांशी गर्ग, विपिन कुमार, राहुल कुमार विद्यार्थी, कैलाश ठाकुर, भोला प्रसाद बागवानी, कुमार गौरव, जनार्दन सिंह, सत्यम कुमार आरनि ।
कवि गोष्ठी के संयोजन करलकै श्री समेश सिंह नँ आरू अध्यक्षता करलकै श्री सच्चिदानंद किरण नँ ।
No comments:
Post a Comment