१४ सितंबर क॑ जापान केरऽ प्रधानमंत्री शिंजो आबे आरू पीएम मोदी केरऽ उपस्थिति मं॑ रखलऽजैतै मुंबई-अहमदाबाद बुलेट ट्रेन परियोजना के आधारशिला | News in Angika

गांधीनगर : १४ सितंबर क॑ जापान केरऽ प्रधानमंत्री शिंजो आबे  आरू पीएम मोदी मुंबई-अहमदाबाद बुलेट ट्रेन परियोजना केरऽ नींव रखतै ।
जापान के प्रधानमंत्री शिंजो आबे भारत केरऽ अपनऽ दू दिवसीय दौरा म॑ अहमदाबाद म॑ पीएम नरेंद्र मोदी सथ॑ एगो रोड शो म॑ भी शामिल होतै। ८ किलोमीटर लंबा रोड शो अहमदाबाद एयरपोर्ट स॑ शुरू होतै आरू साबरमती आश्रम तलक जैतै । आबे बुधवार क॑ भारत केरऽ दू दिवसीय दौरा पर आबी रहलऽ छै । ई दौरा प॑ दूनो नेता १२ वां भारत-जापान वार्षिक सम्मेलन में भी शिरकत करतै ।

देश केरऽ इतिहास म॑ ई पहलऽ बार होतै जब॑ दू देशऽ के पीएम कोय रोड शो करतै । रोड शो केरऽ रूट म॑ २८ विभिन्न जगहऽ प॑ तरह-तरह के कार्यक्रम पेश करलऽ जैतै ।