भारत संचार निगम जुटलऽ छै ४जी सथं॑ ५जी लानै के तैयारी म॑ | News in Angika

मुंबई । सार्वजनिक दूरसंचार कंपनी बीएसएनएल न॑ पांचमऽ पीढ़ी यानी ४ जी केरऽ दूरसंचार सेवा लेली शुरुआती काम शुरु करी देल॑ छै । जबकि ओकरऽ राष्ट्रीय स्तर पर ४जी VoLTE सेवा के शुरुआत अभी शेष छै ।  बीएसएनएल  ४जी VoLTE सेवा क॑ देश भर में शुरू करै के उम्मीद करी रहलऽ छै । बीएसएनएल, सरकार स॑ एकरा लेली स्पेक्ट्रम मांगी रहलऽ छै ।

कंपनी न॑ पिछला साल केरऽ आखिर में दूरसंचार विभाग स॑ कहल॑ छेलै कि ४G सेवा शुरू करै लेली ७०० मेगाहटर्ज बैंड म॑ स्पेक्ट्रम देलऽ जाय । कंपनी क॑ उम्मीद छै कि सरकार ओकरा ४G आरू ५G सेवा के पेशकश लेली ७०० मेगाहटर्ज म॑ स्पेक्ट्रम के इस्तेमाल के अनुमति जल्दिये द॑ देतै ।