रेलमंत्री द्वारा रेलवे म॑ टिप मांगना आरू खाना के जादा पैसा वसूलना ४८ घंटा में बंद करै केअल्टीमेटम | News in Angika

रेलमंत्री पीयूष गोयल न॑ रेल कर्मचारियों क॑ सख्त आदेश देतें हुअ॑ कहल॑ छै कि वू अगला ४८ घंटा में यात्रि सिनी स॑ टिप्स आरूर खाना के जादा पैसा लेना बंद कर॑ । सब्भे जोनल रेल इकाइयऽ क॑ भेजलऽ गेलऽ पत्र के मुताबिक तुरंत प्रभाव स॑ एकरा रोकै ल॑ कहलऽ गेलऽ छै । हालांकि पहल॑ भी रेलवे न॑ खाना के जादा पैसा वसूलै के मामला स॑ निपटै के कोशिश करन॑ छै । लेकिन पहलऽ बार अल्टीमेटम देलऽ गेलऽ छै ।

रेलमंत्री आरू मंत्रालय केरऽ निर्देशऽ के बाद इंडियन रेलवे कैटरिंग एंड टूरिजम कॉरपोरेशन (IRCTC) न॑ अपनऽ कैटरिंग कॉन्ट्रैक्टर्स स॑ ई अल्टीमेटम प॑ अमल करै ल॑ कहन॑ छै । ई भी कहलऽ गेलऽ छै कि एकरऽ उल्लंघन करला पर भारी पेनॉल्टी लगैलऽ जैतै ।

सोमवार स॑ रेलवे कैटरिंग इंस्पेक्टर्स निरीक्षण करत॑ कि की यात्रियऽ स॑ जादा पैसा त॑ नै वसूललऽ जाय रहलऽ छै । एकरऽ अलावा ओवरचार्जिंग आरू वेटर्स द्वारा टिप्स वसूलै के शिकायतऽ क॑ मॉनिटर करै लेली सोशल मीडिया प्लेटफॉर्म्स भी खंगाललऽ जैतै ।