टटका खबर | Latest News

[angika news][bigposts]

अंगदेश खबर | angdesh news

[angdesh][bsummary]

देश-प्रदेश खबर | National News

[Angika National][twocolumns]

गंगा खतरा निशान लगीच, सोंस (डॉल्फिन) करगी प | News in Angika

भागलपुर, 24 अगस्त, 2020 । यहाँ गंगा के जलस्तर खतरा निशान के लगीच पहुँची गेलौ छै । जेकरा सँ शहर केरौ निचला इलाका मँ बूहो के नजारा देखै ल मिली रहलौ छै ।


गंगा खतरा निशान सँ बस 40 सेंटीमीटर ही दूर छै । नाथनगर केरौ समुच्चे दीरा इलाका पानी मँ डूबी गेलो छै । तरकारी के फसल डूबी गेलौ छै । लोग गाँव छोड़ी क उच्चौ इलाका दन्नै पलायन करी रहलौ छै ।

गंगा मँ पानी बढ़ला सँ डॉल्फिन करगी प पहुंची गेलौ छै। भागलपुर शहर के बरारी पुल घाट, आदमपुर घाट, दीपनगर घाट, हनुमान घाट आरनि जग्घौ पर ऊब-डूब करतें सोंस या बोचो ( डॉल्फिन) देखाय द रहलौ छै। दीपनगर घाटौ प इतबार क एक दर्जन सँ जादे संख्या मँ डॉल्फिन देखाय पड़लै, जेकरा मँ कुछ शिशु सोंस ( डॉल्फिन) भी शामिल रहै।

एक्सपर्ट के अनुसार नदी के बीच धार मँ पानी अधिक होला के कारण सोंस (डॉल्फिन) सब गंगा के करगी प पहुंची रहलौ छै। जैन्जा हुनका आसानी सँ मछली खाना के रूप मँ मिली जाय छै। बरसात के मौसम मँ मछलियौ के प्रजनन अधिक होय छै। ऐसनौ स्थिति में सोंस ( डॉल्फिन) अपनौ बच्चा के साथ गंगा किनारा पहुंची जाय छै। लगभग एक महीना तलक करगी मँ ही रहतै ।

बूढ़ानाथ मंदिर केरौ परिसर के सीढ़ी तलक गंगा के पानी मँ डूबी गेलौ छै ।  बाढ़ नियंत्रण विभागौ के मोताबिक गंगा के पानी के स्तर अखनी आरू बढ़तै ।



Photo Source : Dainik Bhaskar

No comments: