टटका खबर | Latest News

[angika news][bigposts]

अंगदेश खबर | angdesh news

[angdesh][bsummary]

देश-प्रदेश खबर | National News

[Angika National][twocolumns]

कोरोना वैक्सीन 'कोविशील्ड' बस 73 दिन दूर ! देशवासी क फ्री मँ टीका ! | News in Angika

 पूना, 23 अगस्त, 2020 ।  खबर छै कि देश केरौ पहलौ कोरोना वैक्सीन 73 दिनौ मँ  बनी क आबी जैतै । ई वैक्सीन के नाँव छेकै, 'कोविशील्ड' । ई वैक्सीन क पुणे के कंपनी सीरम इंस्टिट्यूट बनाय रहलौ छै । ऐतनै नै, राष्ट्रीय टीकाकरण कार्यक्रम के तहत भारत सरकार अपनौ नागरिक सब क मुफ्त मँ टीका लगवैतै । नवीनतम अपडेट के अनुसार कंपनी के कहना छै कि ई खाली कयास छेकै।

23 अगस्त केरो प्रभात खबर इंटरनेट संस्करण मँ ई आशय के खबर छपलो छै । जेकरा मँ कहलौ गेलौ छै कि बिजनेस टुडे के मुताबिक, सीरम इंस्टीट्यूट के पदाधिकारियो नँ कहलै छै- 'भारत सरकार नँ हमरा विशेष निर्माण प्राथमिकता लाइसेंस देलै छै । एकरो तहत ट्रायल प्रोटोकॉल के प्रोसेस क फास्ट करी देलो गेलो छै । जेकरा सँ कि ट्रायल 58 दिनो मँ पूरा होय जाय । एकरो तहत फाइनल फेज (तीसरा चरण) मँ ट्रायल के पहला डोज शनिवार सँ देलो गेलो छै । दोसरो डोज 29 दिना बाद देलो जैतै । फाइनल ट्रायल डेटा दोसरो डोज देला के 15 दिन के बाद ऐतै । ई अवधि के बाद  कोविशील्ड क बाजार मँ लानै के योजना बनी रहलौ छै । एकरो पहले ई वैक्सीन के ट्रायल पूरा होय मँ लंबा वक्त लगै के बात कहलौ जाय रहलौ छेलै । बिजनेस टुडे के मुताबिक, देश के 17 सेंटरो पर 1600 लोगौ के बीच ई ट्रायल शुरू होलो छै । हर सेंटर पर करीब 100 वोलेंटियर छै । ज्ञातव्य छै कि सीरम इंस्टिट्यूट ऑफ इंडिया दुनिया केरौ सबसँ बड़ौ टीका निर्माता कंपनी छेकै ।


लेकिन नवभारत टाइम्स.कॉम मँ छपलौ समाचार के अनुसार भारत मँ कोरोना वायरस वैक्‍सीन के रेस मँ सीरम इंस्टिट्यूट ऑफ इंडिया (SII) सबसँ आगू छै। वू ऑक्‍सफर्ड यूनिवर्सिटी केरौ डेवलप करलौ गेलौ वैक्‍सीन केरौ ट्रायल आरू प्रॉडक्‍शन करी रहलौ छै। कंपनी क सरकार सँ वैक्‍सीन केरौ उत्‍पादन के मंजूरी मिललौ छै लेकिन खाली भविष्‍य मँ इस्‍तेमाल लेली। कुछ रिपोर्ट्स मँ कहलौ गेलौ छै कि SII केरौ वैक्‍सीन COVISHIELD 73 दिना के भीतर बाजार मँ उपलब्‍ध होतै। मगर कंपनी के कहना छै कि ई खाली कयास छेकै। वैक्‍सीन बाजार मँ तभिये ऐतै जबै ट्रायल सफल होतै आरू रेगुलेटरी अप्रूवल मिली जैतै ।


(First Published - 23-08-2020, Latest Edit - 24-08-2020)

(Source- https://www.prabhatkhabar.com/national/coronavirus-vaccine-update-countdown-begins-for-corona-vaccine-73-days-to-covid-19-vaccine-in-india-indians-to-get-free-vaccine-covishield-modi-govt-serum-institute-upl


https://navbharattimes.indiatimes.com/india/serum-institute-of-india-clarifies-claims-over-corona-vaccine-covishield-availability/articleshow/77702283.cms)


No comments: