बक्सर सँ कहलगांव तक के गंगा जलीय क्षेत्र अबै गंगा डॉल्फिन सेंचुरी | News in Angika

सुलतानगंज, 17 अगस्त,2020 । भागलपुर केरौ अजगैबीनाथ मंदिर, सुलतानगंज सँ ल करी क कहलगाँव केरौ बटेश्वरनाथ असथान तलक के 60 किलोमीटर केरौ क्षेत्र विक्रमशिला गांगेय डॉल्फिन आश्रयणी क्षेत्र के नाँव सँ जानलौ जाय छै। वन्य प्राणी संरक्षण अधिनियम(1972) के तहत यहां डॉल्फिन क पकड़ना या मारना अपराध छै। 

गत 15 अगस्त क लालकिला सँ प्रधानमंत्री नरेंद्र मोदी केरौ ऐतिहासिक घोषणा के बाद बिहार केरौ बक्सर सँ बटेश्वर स्थान कहलगांव तलक के गंगा जलीय क्षेत्र, गंगा डॉल्फिन सेंचुरी मँ शामिल होय गेलौ छै ।

प्रधानमंत्री मोदी नँ सेव टाइगर केरौ तर्ज प 'सेव डॉल्फिन' के घोषणा करलकै त एकरा ल क भागलपुर केरौ पर्यावरणविद सब काफी उत्साहित नजर ऐलै । पीएम नँ भी एकरो सफलता लेली सब सँ सहयोग करै के आह्वान करतें हुअय कहलै छै कि सब एकरा मिशन मोड मँ ल। हुनी कहलकै कि जेना क सेव टाइगर मुहिम सँ तय समय केरौ पहले टाइगर के संख्या दोगुना होय गेलै , ठीक ओहै तरह सँ सेव डॉल्फिन प्रोजेक्ट अपनौ नया आयाम स्थापित करतै ।

बिहार के डिप्टी सीएम सुशील कुमार मोदी ने बतैलै छै कि 15 अगस्त क लालकिला के प्राचीर सँ प्रधानमंत्री नँ अपनौ भाषण में ‘प्रोजेक्ट डाल्फिन’ प्रारंभ करै के घोषणा करलै छै। चुंकि बिहार सरकार के पहल प ही 05 अक्तूबर, 2009 क भारत सरकार द्वारा डाल्फिन क ‘नेशनल एक्युटिक एनिमल’ घोषित करलो गेलौ रहै, आऱू पूरे देश केरौ डाल्फिन के आधा आबादी (1,464) बिहार में छै, ई लेली एकरो शोध संस्थान लेली बिहार क केन्द्र सरकार सँ मदद के अपेक्षा छै।

बिहार के तीन शहर भागलपुर, गोपालगंज व गया मँ नगर वन (City Forest) विकसित करलौ जैतै । सुशील मोदी नँ ई भी कहलकै कि गंगा सहित पांच नदी के करगी-करगी पौधारोपण करलो जैतै। सरकार के योजना के अन्तर्गत बिहार मँ तीन जगह भागलपुर केरौ जय प्रकाश उद्यान (10 हेक्टेयर), गोपालगंज केरौ थावे (12.28 हेक्टेयर) आरू गया के ब्रह्मयोनि पहाड़ (50 हेक्टेयर) मँ नगर वन विकसित करलो जैतै। केन्द्र सरकार नँ प्रत्येक नगर वन लेली 2-2 करोड़ रुपया के प्रावधान करलै छै। 

Ganga-aquatic-area-of-Buxar-to-bateshwar-sthan-included-in-Ganges-Dolphin-Century-news-in-angika