फाइनल मैच आरू सुपर ओवर टाय होला के बाद न्यूजीलैंड क हराय क इंगलैंड क्रिकेट विश्व चैंपियन | World Cup Final: NZ vs ENG | News in Angika Language | England is new Cricket World Cup Champion

फाइनल मैच आरू सुपर ओवर टाय होला के बाद न्यूजीलैंड क हराय क इंगलैंड क्रिकेट विश्व चैंपियन ।

लॉडर्स, १४ जुलाई, २०१९ । फाइनल मैच आरू सुपर ओवर टाय होला के बाद इंगलैंड क्रिकेट विश्व चैंपियन बनी गेलौ छै ।

लॉर्ड्स केरौ ऐतिहासिक मैदान पर आय टूर्नामेंट केरौ फाइनल मुकाबला न्यूजीलैंड आरू मेजबान इंग्लैंड के बीच खेललौ गेलै जहाँ किवी टीम नँ टॉस जीता क  पहले बल्लेबाजी करतें हुअय अपनौ 50 ओवर के खेल मँ 241/8 के स्कोर बनैलकै । टीम लेली हेनरी निकोलस नँ सबसें जादा 55 रन बनैलकै, जबकि इंग्लैंड लेली क्रिस वोक्स आरू लियाम प्लंकेट तीन तीन विकेट लै मँ सफल रहलै ।

इंग्लैंड के सामना मँ टूर्नामेंट क जीतै लेली खाली 242 रन के लक्ष्य छेलै । ई फाइनल मुकाबला बेहद ही रोमांचक रहलै । अंतिम ओवर मँ इंग्लैंड क 15 रन के जरूरत छेलै, लेकिन ई मुकाबला टाईड रहलै आरू सुपर ओवर मँ पहुंची गेलै ।

सुपर ओवर मँ इंग्लैंड नँ पहले बल्लेबाजी करते हुअय 15 रन बनैलकै । न्यूजीलैंड के सामने अबै जोफ्रा आर्चर के सामने 16 रन बनाबै के जरूरत छेलै । मगर किवी टीम भी 15 रन ही बनाबै सकलै आरू ई मैच इंग्लैंड नँ जितलकै ।