जों समय सीमा 11 बजी क 5 मिनट क पार करी जैतै त काल न्यूजीलैंड के टीम आजको स्कोर सँ आगे खेलना शुरू करतै | विश्व कप क्रिकेट- २०१९ | IND vs NZ 1st Semifinal| World Cup Cricket - 2019

जों समय सीमा 11 बजी क 5 मिनट क पार करी जैतै त काल न्यूजीलैंड के टीम आजको स्कोर सँ आगे खेलना शुरू करतै | विश्व कप क्रिकेट- २०१९ | IND vs NZ 1st Semifinal| World Cup Cricket - 2019.

[responsivevoice_button voice="Hindi Female" buttontext=" अंगिका भाषा में समाचार सुनिये | Listen to Post in Angika Language"]

मैनचेस्टर। ९ जूलाई, २०१९ । क्रिकेट वर्ल्ड कप 2019 के पहलौ सेमीफाइनल मँ आय मैनचेस्टर मँ ओल्ड ट्रैफर्ड मैदान पर भारत आरू न्यूजीलैंड के खिलाफ चली रहलौ मैच बरसा के कारण बाधित भ गेलौ छै । खेल बाधित होला के पहिनै टॉस जीती क पहनै बल्लेबाजी करी रहलौ न्यूजीलैंड केरौ ४६.१ ओवर मँ ५ विकटौ प २११ रन बनलौ रहै ।

बारिश के कारण मुकाबला 6:31 मिनट प रुकलै आरू यहां सँ अंपायर अगला दू घंटा मतलब 8:31 मिनट तलक बारिश रुकै के इंतजार करलकै । लेकिन एक बार फिर से झमाझम बारिश हुअय लगलै आरू अबै जे हालात छै, ओकरो हिसाब सँ कम सँ कम आय मंगलवार क मैच होय के कम्मे उम्मीद छै । भारतीय समयानुसार 9:30 बजे रात क मैनचेस्टर मँ बारिश आरू भी तेज भ गेलै ।



फिलहाल बारिश रुकी गेलौ छै आरू मैदानकर्मी मैदान क खेलै लायक तैयार करै मँ जुटलौ छै । जों मैदान खेलै लायक भ गेलै, त मैच शुरू होय के आखिरी समय 11:05 मिनट छै । आरू यहां सँ भारत क 20 ओवरो मँ जीत लेली 148 रन बनाबै होतै । लेकिन जों एकरा सँ पहले मैच शुरू होतै, त भारत क 25 ओवर मँ 172 आरू ज्यादा सँ ज्यादा 30 ओवरो के मैच भेलै, त भारत क जीतै वास्तें 192 रन बनाबै ल होतै ।

लेकिन ई याद रखै के बात छेकै कि जों समय सीमा 11 बजी क 5 मिनट क पार करी जाय छै, त फिर मैच आजको हालात सँ कल यानी बुधवार क खेललौ जैतै । काल न्यूजीलैंड के टीम आजको स्कोर सँ आगे खेलना शुरू करतै ।

अपडेट - ११ बजी क ७ मिनट ।

आय अबै मैच नै होतै । कल मैच वहीं से आगू शुरू होतै जहाँ प आय रुकलो छै ।