फीफा अंडर-१७ कप फाइनल म॑ शनिचर क॑ होतै इंग्लैंड आरू स्पेन केरऽ भिंड़ंत | News in Angika
नवी मुंबई । फीफा अंडर-१७ कप फाइनल म॑ शनिचर क॑ इंग्लैंड आरू स्पेन के मुकाबला होतै ।
डी.वाई.पाटिल स्टेडियम, नवी मुंबई म॑ खेललऽ गेलऽ दोसरऽ सेमीफाइनल मैच म॑ स्पेन न॑ माली क॑ ३-१ स॑ हराय क॑ फाउनल म॑ प्रवेश करलकै ।
रियान ब्रीवस्टर न॑ हैट्रिक लगायक॑ इंगलैंड क॑ पहुँचैलकै फाईनल म॑
रियान ब्रीवस्टर केरऽ एगो आरू मेगा शो के दम प॑ इंग्लैंड न॑ विवेकानंद युवाभारती क्रीड़ांगन, कोलकता म॑ खेललऽ गेलऽ सेमीफाइनल म॑ तीन बार के चैंपियन ब्राजील क॑ ३-१ सें मात दट क॑ पहलऽ बार अंडर-१७ विश्व कप केरऽ फाइनल के टिकट कटाय लेन॑ छै ।
अब॑ खिताब लेली शनिवार क॑ कोलकता केरऽ यह॑ मैदान प॑ स्पेन केरऽ मुकाबला इंगलैंड स॑ होतै ।
इंग्लिश टीम केरऽ एकरऽ पहल॑ सर्वश्रेष्ठ प्रदर्शन २०११ में रहलऽ छेलै जब॑ वू क्वार्टर फाइनल में पहुंचलऽ रहै । अमेरिका के खिलाफ क्वार्टर फाइनल में हैट्रिक बनाबै वाला रियान ब्रीवस्टर न॑ लगातार दोसरऽ मैच में हैट्रिक लगायक॑ टीम क॑ ३२ साल में पहलऽ बार खिताबी मुकाबला में जगह दिलायक॑ इतिहास रची देलकै । हुनकऽ पांच मैचऽ में ७ गोल होय गेलऽ छै आरू वू टूर्नामेंट केरऽ शीर्ष स्कोरर होय गेलऽ छै ।
इंग्लैंड केरऽ मशहूर फुटबॉल क्लब लीवरपूल लेली खेलै वाला ब्रीवस्टर न॑ १०वाँ, ३९वाँ आरू ७७वाँ मिनट में गोल दागी क॑ हैट्रिक पूरा करलकै । ब्राजील लेली एकमात्र गोल वेस्ली न॑ २१वाँ मिनट म॑ करलकै ।
स्पेन केरऽ कलात्मक खेल न॑ थामलकै माली के सफर
हिन्न॑ कप्तान अबेल रूइज केरऽ दू गोल के बदौलत स्पेन न॑ दोसरऽ सेमीफाइनल में गत उपविजेता माली क॑ ३-१ सें मात द॑ करी क॑ फाइनल में जगह बनैलकै ।
कलात्मक खेल केरऽ महारथी स्पेन के आगे आक्रामक तेवर वाला माली केरऽ जरा भी नै चल॑ सकलै । एकरऽ साथ ही माली केरऽ लगातार दोसरऽ बार खिताबी मुकाबला में पहुंचै के सपना चकनाचूर होय गेलै ।
यूरो अंडर-17 चैंपियन स्पेन न॑ टिकी-टाका यानी छोटऽ-छोटऽ पास के अद्भुत नजारा पेश करतें हुअ॑ १० साल बाद आरू कुल चौथऽ बार फाइनल में जगह बनैलकै ।
एकरऽ पहल॑ स्पेनिश टीम २००७ में दक्षिण कोरिया में होलऽ विश्व कप के फाइनल में पहुंचलऽ रहै जहां वू पेनल्टी शूटआउट में नाइजीरिया सें ३-० स॑ हारी गेलऽ छेलै ।
स्पेनिश कप्तान रूइज न॑ खेल केरऽ १९वां मिनट में ही गोल दागी क॑ टीम क॑ १-० सें आगू करी देलकै । ओकरऽ बाद ४३वां मिनट में अपनऽ आरू टीम केरऽ दोसरऽ गोल करी क॑ स्कोर २-० करी देलकै । टीम लेली तेसरऽ गोल खेल केरऽ ७१वां मिनट में फेरन टॉरेस न॑ करलकै ।
माली लेली एकमात्र गोल ७४वां मिनट में लासाना एनडीयाए न॑ करलकै । हलाँकि रेफरी आरू लाईनमैन केरऽ गलती के चलतें माली द्वारा ६२वाँ मिनट में करलऽ गेलऽ गोल क॑ मान्यता नै मिललै । लेकिन स्टेडियम म॑ लगलऽ स्क्रीन प॑ बार-बार देखैलऽ जाय वाला रिप्ले सें ई साफ छेलै कि माली के साथ अन्याय होलऽ छै । रेफरी आरू लाईन मैन केरऽ गलती के स्टेडियम म॑ मौजूद करीब ३७८४७ दर्शक केरऽ भीड़ न॑ विरोध करलकै लेकिन अंततः एकरऽ कोय असर नै होलै । माली केरऽ कोच, जोनस कोमला न॑ ई मामला क॑ जादा तूल नै देतें हुअ॑ कहलकै कि ई गोल स॑ मैच केरऽ नतीजा कुछ आरू हुअ॑ सकै छेलै । वहीं स्पेन केरऽ कोच सेंटियागो डेनिया न॑ कहलकै कि फीफा क॑ स्टेडियम में लगलऽ स्क्रीन प॑ रिप्ले देखाबै स॑ बचना चाहिय्यऽ ।
डी.वाई.पाटिल स्टेडियम, नवी मुंबई म॑ खेललऽ गेलऽ दोसरऽ सेमीफाइनल मैच म॑ स्पेन न॑ माली क॑ ३-१ स॑ हराय क॑ फाउनल म॑ प्रवेश करलकै ।
रियान ब्रीवस्टर न॑ हैट्रिक लगायक॑ इंगलैंड क॑ पहुँचैलकै फाईनल म॑
रियान ब्रीवस्टर केरऽ एगो आरू मेगा शो के दम प॑ इंग्लैंड न॑ विवेकानंद युवाभारती क्रीड़ांगन, कोलकता म॑ खेललऽ गेलऽ सेमीफाइनल म॑ तीन बार के चैंपियन ब्राजील क॑ ३-१ सें मात दट क॑ पहलऽ बार अंडर-१७ विश्व कप केरऽ फाइनल के टिकट कटाय लेन॑ छै ।
अब॑ खिताब लेली शनिवार क॑ कोलकता केरऽ यह॑ मैदान प॑ स्पेन केरऽ मुकाबला इंगलैंड स॑ होतै ।
इंग्लिश टीम केरऽ एकरऽ पहल॑ सर्वश्रेष्ठ प्रदर्शन २०११ में रहलऽ छेलै जब॑ वू क्वार्टर फाइनल में पहुंचलऽ रहै । अमेरिका के खिलाफ क्वार्टर फाइनल में हैट्रिक बनाबै वाला रियान ब्रीवस्टर न॑ लगातार दोसरऽ मैच में हैट्रिक लगायक॑ टीम क॑ ३२ साल में पहलऽ बार खिताबी मुकाबला में जगह दिलायक॑ इतिहास रची देलकै । हुनकऽ पांच मैचऽ में ७ गोल होय गेलऽ छै आरू वू टूर्नामेंट केरऽ शीर्ष स्कोरर होय गेलऽ छै ।
इंग्लैंड केरऽ मशहूर फुटबॉल क्लब लीवरपूल लेली खेलै वाला ब्रीवस्टर न॑ १०वाँ, ३९वाँ आरू ७७वाँ मिनट में गोल दागी क॑ हैट्रिक पूरा करलकै । ब्राजील लेली एकमात्र गोल वेस्ली न॑ २१वाँ मिनट म॑ करलकै ।
स्पेन केरऽ कलात्मक खेल न॑ थामलकै माली के सफर
हिन्न॑ कप्तान अबेल रूइज केरऽ दू गोल के बदौलत स्पेन न॑ दोसरऽ सेमीफाइनल में गत उपविजेता माली क॑ ३-१ सें मात द॑ करी क॑ फाइनल में जगह बनैलकै ।
कलात्मक खेल केरऽ महारथी स्पेन के आगे आक्रामक तेवर वाला माली केरऽ जरा भी नै चल॑ सकलै । एकरऽ साथ ही माली केरऽ लगातार दोसरऽ बार खिताबी मुकाबला में पहुंचै के सपना चकनाचूर होय गेलै ।
यूरो अंडर-17 चैंपियन स्पेन न॑ टिकी-टाका यानी छोटऽ-छोटऽ पास के अद्भुत नजारा पेश करतें हुअ॑ १० साल बाद आरू कुल चौथऽ बार फाइनल में जगह बनैलकै ।
एकरऽ पहल॑ स्पेनिश टीम २००७ में दक्षिण कोरिया में होलऽ विश्व कप के फाइनल में पहुंचलऽ रहै जहां वू पेनल्टी शूटआउट में नाइजीरिया सें ३-० स॑ हारी गेलऽ छेलै ।
स्पेनिश कप्तान रूइज न॑ खेल केरऽ १९वां मिनट में ही गोल दागी क॑ टीम क॑ १-० सें आगू करी देलकै । ओकरऽ बाद ४३वां मिनट में अपनऽ आरू टीम केरऽ दोसरऽ गोल करी क॑ स्कोर २-० करी देलकै । टीम लेली तेसरऽ गोल खेल केरऽ ७१वां मिनट में फेरन टॉरेस न॑ करलकै ।
माली लेली एकमात्र गोल ७४वां मिनट में लासाना एनडीयाए न॑ करलकै । हलाँकि रेफरी आरू लाईनमैन केरऽ गलती के चलतें माली द्वारा ६२वाँ मिनट में करलऽ गेलऽ गोल क॑ मान्यता नै मिललै । लेकिन स्टेडियम म॑ लगलऽ स्क्रीन प॑ बार-बार देखैलऽ जाय वाला रिप्ले सें ई साफ छेलै कि माली के साथ अन्याय होलऽ छै । रेफरी आरू लाईन मैन केरऽ गलती के स्टेडियम म॑ मौजूद करीब ३७८४७ दर्शक केरऽ भीड़ न॑ विरोध करलकै लेकिन अंततः एकरऽ कोय असर नै होलै । माली केरऽ कोच, जोनस कोमला न॑ ई मामला क॑ जादा तूल नै देतें हुअ॑ कहलकै कि ई गोल स॑ मैच केरऽ नतीजा कुछ आरू हुअ॑ सकै छेलै । वहीं स्पेन केरऽ कोच सेंटियागो डेनिया न॑ कहलकै कि फीफा क॑ स्टेडियम में लगलऽ स्क्रीन प॑ रिप्ले देखाबै स॑ बचना चाहिय्यऽ ।
No comments:
Post a Comment