आधार कार्ड क॑ मोबाईल फोन प॑ रखै के सुविधा दै लेली एम-आधार एप करलऽ गेलै अपडेट | News in Angika

नई दिल्ली । आधार कार्ड क॑ हमेशा अपनऽ जिमा म॑ रखै के दिक्कत अब॑ नै उठाबै ल॑ परतै । सरकार न॑ एम आधार एप क॑ अपडेट करी देन॑ छै ।

रजिस्टर्ड मोबाइल पर एप म॑ समय आधारित ओटीपी (वन टाइम पासवर्ड) जोड़ी देलऽ गेलऽ छै । एकरऽ जरिया स॑ आधार क॑ अपनऽ फोन पर रखलऽ जाब॑ सकै छै ।

सरकार लगभग हर जगह आधार क॑ अनिवार्य बनैतें जाय रहलऽ छै । आधार कार्ड अपनऽ जिमा म॑ हमेशा रखना जरूरी होय गेलऽ छै । लेकिन मोबाइल प॑ उपलब्ध होला के बाद आधार कार्ड क॑ हमेशा जिमा म॑ रखै के जरूरत नै रहतै ।

एप केरऽ बीटा वर्जन म॑ जनसांख्यिकीय डाटा उपलब्ध रहै छै । जेकरा म॑ आधार कार्ड म॑ जे जानकारी होय छै, वू मोबाइल पर दिखी जाय छै ।

समय आधारित ओटीपी म॑ अब॑ ओटीपी केरऽ डाउनलोड होय के इंतजार नै करै ल॑ होतै । ई मोबाइल प॑ हमेशा उपलब्ध रहतै । यूआइडीएआइ केरऽ सीईओ अजय भूषण पांडेय के कहना छै कि सेल्फ सर्विस अपडेट पोर्टल म॑ टीओटीपी क॑ जोड़ी देलऽ गेलऽ छै ।

उल्लेखनीय छै कि रेलवे न॑ भी आठ सितंबर स॑ एम आधार क॑ वैध पहचान पत्र मानल॑ छै ।

पांडेय के कहना है कि अभी एमआधार एप एंड्राइड फोन पर उपलब्ध छै । ओटीपी क॑ ल॑ क॑ जे समस्या होय रहलऽ छेलै, वू अब॑ नै होतै । लोगऽ क॑ एसएमएस लेली मोबाइल नेटवर्क पर निर्भर भी नै रहै ल॑ परतै।

(दैनिक जागरण म॑ छपलऽ खबर http://www.jagran.com/technology/apps-aadhaar-introduces-dynamic-otp-in-its-app-16851933.html प॑ आधआरित)