अपनऽ भाषा म॑ किसान सब क॑ मिलतै मट्टी केरऽ स्वास्थ्य कार्ड | News in Angika

पटना । बिहार केरऽ कोन इलाका में कौन  भाषा प्रचलित छै, एकरऽ पता करै के जिम्मा बिहार सरकार न॑ कृषि विभाग के अधिकारियऽ क॑ सौंपन॑ छै ।  दरअसल सरकार केरऽ योजना छै कि किसान सिनी क॑ क्षेत्रीय भाषा म॑ 'मट्टी स्वास्थ्य कार्ड' उपलब्ध करैलऽ जाय । कृषि स॑ संबंधित ५८ शब्दऽ के सूची तैयार करलऽ गेलऽ छै, जेकरऽ अनुवाद क्षेत्रीय भाषा में करना छै ।

सरकार न॑ मिट्टी स्वास्थ्य कार्ड लेली जोन शब्दऽ के सूची भेजन॑ छै ओकरा म॑ उर्वरक, मृदा, सूक्ष्म पोषण तत्व, विश्लेषण परिणाम, भूमंडलीय स्थिति निर्धारण प्रणाली, खेसरा, देशांतर, अक्षांश, क्षेत्रफल, नमूना संग्रहण, जैव उर्वरक, चूना, जिप्सम, कार्बनिक उर्वरक, वर्षाश्रित, एकड़ सहित अन्य शब्द शामिल छै । हरेक शब्द क॑ क्षेत्रीय भाषा में किसान की बोलै छै ओकरऽ सूची कृषि मंत्रालय क॑ भेजना छै ।

मट्टी स्वास्थ्य कार्ड क्षेत्रीय भाषा में किसान क॑ दै के पीछे मकसद कृषि स॑ संबंधित तकनीकी शब्दऽ के अर्थ समझाना छै।