महिंद्रा एंड महिंद्रा न॑ शुक्रवार क॑ पल्यूशन फ्री इलेक्ट्रिक रिक्शा ई-अल्फा मिनी लॉन्च करैके घोषणा करलकै | News in Angika

दिल्ली । महिंद्रा एंड महिंद्रा न॑ शुक्रवार क॑ पल्यूशन फ्री इलेक्ट्रिक रिक्शा ई-अल्फा मिनी लॉन्च करै के घोषणा करलकै । चार सवारी आरू एक ड्राइवर केरऽ बैठै के क्षमता वाला ई-अल्फा मिनी एगो संपूर्ण तिपहिया वाहन छेकै, जेकरा विशेष रूप स॑ भारतीय परिस्थितियऽ लेली डिजाइन करलऽ गेलऽ छै । दिल्ली में १.१२ लाख रुपए (एक्स-शोरूम) केरऽ आकर्षक कीमत पर तत्काल प्रभाव स॑ उपलब्ध होतै ।

ई-अल्फा मिनी सुदूर कोना तलक कनेक्टिविटी आरू शहर के भीतर लोगऽ के घूमै लेली सर्वोत्तम रूप स॑ उपयुक्त छै। ई टैक्सी केरऽ बेड़ा के संचालन करै वाला लोगऽ आरू मौजूदा तिपहिया मालिकऽ सब लेली आदर्श चयन छै आरू युवा सिनी क॑ प्रभावी रूप स॑ रोजगार प्रदान करै के क्षमता रखै छै।

ई-अल्फा मिनी  म॑ एगो आकर्षक बाहरी डिजाइन, मजबूत बॉडी, यात्री केरऽ आरामदायक सफर लेली बड़ऽ केबिन आरू बेहतर सस्पेंशन व चेसिस छै ।