बिहार सरकार करलकै अंगिका अकादमी केरॊ गठन – अंगिका भाषा कॆ संविधान केरॊ अष्टम सूची मॆं शामिल करै के दिशा मॆं महत्वपूर्ण कदम
पटना : बिहार मॆं अंगिका अकादमी केरॊ गठन करलॊ गेलॊ छै. कल मंगलवार कॆ बिहार केरॊ कैबिनेट नॆ अंगिका अकादमी केरॊ गठन कॆ मंजूरी देलकै. कैबिनेट केरॊ बैठक मॆं अंगिका अकादमी लेली तत्काल पाँच लाख रूपया टोकन स्वरूप सहायता अनुदान मंजूर करलॊ गेलॊ छै. बिहार राज्य केरॊ पंद्रह जिला केरॊ लगभग चार करोड़ अंगिका भाषी सहित अंगिका भाषाविद केरॊ बरसॊॆ पुराना माँग अबॆ जाय कॆ पूरा होलॊ छै. बिहार , झारखंड आरू पश्चिम बंगाल मॆं सब मिलाय कॆ पाँच करोड़ सॆं भी जादा लोगॊ द्वारा अंगिका बोललॊ जाय छै. अंगिका अकादमी केरॊ गठन अंगिका भाषा कॆ संविधान केरॊ अष्टम सूची मॆं शामिल करै के दिशा मॆं एगॊ महत्वपूर्ण कदम मानलॊ जाय रहलॊ छै.
इ साल केरॊ अप्रैल माह मॆं मुख्यमंत्री नीतिश कुमार जबॆ अगवानी पुल केरॊ कार्यारंभ करै लॆ भागलपुर केरॊ सुलतानगंज गेलॊ रहै तॆ हुनी अंगिका अकादमी केरॊ गठन के बात करनॆ रहै. गत मई मॆं बिहार केरॊ मुख्यमंत्री नीतिश कुमार कॆ अंग उत्थानान्दोलन समिति (अंगुआस) केरॊ केंद्रीय अध्यक्ष गौतम सुमन द्वारा स्मार पत्र सौंपी कॆ आग्रह करलॊ गेलॊ छेलै कि पूर्व घोषित अंगिका अकादमी गठन केरॊ आश्वासन कॆ यथाशीघ्र अमलीजामा पहनैलॊ जाय. अंगिका अकादमी केरॊ गठन केरॊ माँग अंगिका केरॊ वरिष्ठ साहित्कार सीनी – नरेश पांडेय चकोर, अमरेन्द्र, तेज नारायण कुशवाहा , कुंदन अमिताभ आदि नॆ भी समय – समय पर पत्र व्यवहार, अखबार केरॊ कॉलम आरू अंगिका.कॉम के मार्फत उठैतॆं रहनॆ छै.
अंगिका अकादमी केरॊ गठन सॆं बिहार सहित झारखंड आरू पश्चिम बंगाल केरॊ पाँच करोड़ सॆं भी जादा अंगिकाभाषी केरॊ हर्ष चरम सीमा पर पहुँची गेलॊ छै. बिहार केरॊ पंद्रह अंगिकाभाषी जिला – अररिया, कटिहार, पुर्णिया, किसनगंज, मधेपुरा, सहरसा, सुपौल, भागलपुर, बाँका, जमुई, मुंगेर, लखीसराय, बेगूसराय, शेखपुरा, खगड़िया सहित झारखंड केरॊ सात अंगिकाभाषी जिला - साहेबगंज, गोड्डा, देवघर, पाकुड़, दुमका, गिरीडीह, जामताड़ा आरू पश्चिम बंगाल केरॊ दू अंगिकाभाषी जिला मालदा, उत्तर दिनाजपुर मॆं उत्सव के माहौल व्याप्त छै. उल्लेखनीय छै कि नेपाल केरॊ तराई क्षेत्र मॆं भी अंगिका बोललॊ जाय छै.
अंगिका अकादमी केरॊ गठन सॆं अंगिका साहित्यकारॊ सीनी मॆं जश्न के माहौल छै. अंगिका साहित्यकार- नरेश पांडेय चकोर, अमरेन्द्र, कुंदन अमिताभ आदि नॆ अंगिका अकादमी केरॊ गठन पर मुख्यमंत्री नीतिश कुमार कॆ बधाई देतॆं आभार प्रकट करनॆ छै. अंगिका अकादमी केरॊ गठन पर मुख्यमंत्री नीतिश कुमार कॆ बधाई देतॆं आरू हर्ष व्यक्त करतॆं हुऎ अंग उत्थानान्दोलन समिति (अंगुआस) केरॊ गौतम सुमन नॆ इ आशा व्यक्त करनॆ छै कि मुख्यमंत्री अंग – अंगिका कॆ वाजिब सम्मान आरू अधिकार दिलाबै के दिशा मॆं अंगवासी केरॊ आरू लंबित माँगॊ पर सकारात्मक पहल करतै.
अंगिका.कॉम बिहार सरकार द्वारा करलॊ गेलॊ अंगिका अकादमी केरॊ गठन कॆ अंगिका भाषा कॆ संविधान केरॊ अष्टम सूची मॆं शामिल करै के दिशा मॆं एगॊ महत्वपूर्ण कदम मानै छै. अंगिका.कॉम आपनॊ अपार हर्ष व्यक्त करतॆं हुऎ बिहार सहित झारखंड आरू पश्चिम बंगाल केरॊ पाँच करोड़ सॆं भी जादा अंगिकाभाषी केरॊ भाषा अंगिका कॆ राजकीय संरक्षण दै लेली मुख्यमंत्री नीतिश कुमार कॆ बधाई दै छै. अंगिका.कॉम आशा व्यक्त करै छै कि आबै वाला समय मॆं हुनी अंगिका कॆ अष्टम सूची मॆं शामिल करै के दिशा मॆं महत्वपूर्ण रोल अदा करतै.
इ साल केरॊ अप्रैल माह मॆं मुख्यमंत्री नीतिश कुमार जबॆ अगवानी पुल केरॊ कार्यारंभ करै लॆ भागलपुर केरॊ सुलतानगंज गेलॊ रहै तॆ हुनी अंगिका अकादमी केरॊ गठन के बात करनॆ रहै. गत मई मॆं बिहार केरॊ मुख्यमंत्री नीतिश कुमार कॆ अंग उत्थानान्दोलन समिति (अंगुआस) केरॊ केंद्रीय अध्यक्ष गौतम सुमन द्वारा स्मार पत्र सौंपी कॆ आग्रह करलॊ गेलॊ छेलै कि पूर्व घोषित अंगिका अकादमी गठन केरॊ आश्वासन कॆ यथाशीघ्र अमलीजामा पहनैलॊ जाय. अंगिका अकादमी केरॊ गठन केरॊ माँग अंगिका केरॊ वरिष्ठ साहित्कार सीनी – नरेश पांडेय चकोर, अमरेन्द्र, तेज नारायण कुशवाहा , कुंदन अमिताभ आदि नॆ भी समय – समय पर पत्र व्यवहार, अखबार केरॊ कॉलम आरू अंगिका.कॉम के मार्फत उठैतॆं रहनॆ छै.
अंगिका अकादमी केरॊ गठन सॆं बिहार सहित झारखंड आरू पश्चिम बंगाल केरॊ पाँच करोड़ सॆं भी जादा अंगिकाभाषी केरॊ हर्ष चरम सीमा पर पहुँची गेलॊ छै. बिहार केरॊ पंद्रह अंगिकाभाषी जिला – अररिया, कटिहार, पुर्णिया, किसनगंज, मधेपुरा, सहरसा, सुपौल, भागलपुर, बाँका, जमुई, मुंगेर, लखीसराय, बेगूसराय, शेखपुरा, खगड़िया सहित झारखंड केरॊ सात अंगिकाभाषी जिला - साहेबगंज, गोड्डा, देवघर, पाकुड़, दुमका, गिरीडीह, जामताड़ा आरू पश्चिम बंगाल केरॊ दू अंगिकाभाषी जिला मालदा, उत्तर दिनाजपुर मॆं उत्सव के माहौल व्याप्त छै. उल्लेखनीय छै कि नेपाल केरॊ तराई क्षेत्र मॆं भी अंगिका बोललॊ जाय छै.
अंगिका अकादमी केरॊ गठन सॆं अंगिका साहित्यकारॊ सीनी मॆं जश्न के माहौल छै. अंगिका साहित्यकार- नरेश पांडेय चकोर, अमरेन्द्र, कुंदन अमिताभ आदि नॆ अंगिका अकादमी केरॊ गठन पर मुख्यमंत्री नीतिश कुमार कॆ बधाई देतॆं आभार प्रकट करनॆ छै. अंगिका अकादमी केरॊ गठन पर मुख्यमंत्री नीतिश कुमार कॆ बधाई देतॆं आरू हर्ष व्यक्त करतॆं हुऎ अंग उत्थानान्दोलन समिति (अंगुआस) केरॊ गौतम सुमन नॆ इ आशा व्यक्त करनॆ छै कि मुख्यमंत्री अंग – अंगिका कॆ वाजिब सम्मान आरू अधिकार दिलाबै के दिशा मॆं अंगवासी केरॊ आरू लंबित माँगॊ पर सकारात्मक पहल करतै.
अंगिका.कॉम बिहार सरकार द्वारा करलॊ गेलॊ अंगिका अकादमी केरॊ गठन कॆ अंगिका भाषा कॆ संविधान केरॊ अष्टम सूची मॆं शामिल करै के दिशा मॆं एगॊ महत्वपूर्ण कदम मानै छै. अंगिका.कॉम आपनॊ अपार हर्ष व्यक्त करतॆं हुऎ बिहार सहित झारखंड आरू पश्चिम बंगाल केरॊ पाँच करोड़ सॆं भी जादा अंगिकाभाषी केरॊ भाषा अंगिका कॆ राजकीय संरक्षण दै लेली मुख्यमंत्री नीतिश कुमार कॆ बधाई दै छै. अंगिका.कॉम आशा व्यक्त करै छै कि आबै वाला समय मॆं हुनी अंगिका कॆ अष्टम सूची मॆं शामिल करै के दिशा मॆं महत्वपूर्ण रोल अदा करतै.
No comments:
Post a Comment