Angika News | झारखंड कर्मचारी चयन आयोग केरो मैट्रिक आरू इंटरमीडिएट स्तर के प्रतियोगिता परीक्षा मँ अंगिका भेलै शामिल | Angika.com

राँची । 23 दिसंबर, 2021 । झारखंड कर्मचारी चयन आयोग केरो मैट्रिक आरू इंटरमीडिएट स्तर के प्रतियोगिता परीक्षा मँ अंगिका भाषा क शामिल करलो गेलो छै ।

झारखण्ड कर्मचारी चयन आयोग द्वारा मैट्रिक आरू इंटरमीडिएट स्तर के प्रतियोगिता परीक्षा सिनी के आयोजन हेतु कार्मिक, प्रशासनिक सुधार तथा राजभाषा विभाग द्वारा "झारखण्ड कर्मचारी चयन आयोग परीक्षा (मैट्रिक/ 10वीं) संचालन (संशोधन) नियमावली, 2021", "झारखण्ड कर्मचारी चयन आयोग परीक्षा (इंटरमीडिएट/ 10+2 स्तर) संचालन( संशोधन) नियमावली, 2021 आरू झारखण्ड कर्मचारी चयन आयोग परीक्षा (इंटरमीडिएट/ 10+2 कंप्यूटर ज्ञान व कंप्यूटर मँ हिंदी टंकण अहर्त्ता धारा पद हेतु) संचालन (संशोधन) नियमावली 2021 केरो गठन करलो गेलो छेलै।

उक्त नियमावली मँ पत्र-2-चिन्हित क्षेत्रीय/जानजातीय भाषा मँ जिला स्तरीय पद सब लेली जिलावार चिन्हित क्षेत्रीय/ जनजातीय भाषा सिनी के सूची कार्मिक, प्रशासनिक सुधार राजभाषा विभाग द्वारा अलग सँ संसूचित करलो जाना छेलै। जेकरो आलोक मँ सम्यक विषय विचारोंपरांत झारखण्ड कर्मचारी चयन आयोग द्वारा मैट्रिक आरू इंटरमीडिएट स्तर के प्रतियोगिता परीक्षा मँ जिला स्तरीय पद सब लेली क्षेत्रीय आरू जनजातीय भाषा सब क जिलावार चिन्हित करलो गेलो छै ।

 

एकरो तहत जनजातीय भाषा मँ संथाली, कुडुख, खड़िया, मुंडारी, हो, असुर, बिरजिया, बिरहोरी, भूमिज, माल्तो आरू क्षेत्रीय भाषा मँ नागपुरी, पंचपरगनिया, बंगला, अंगिका, कुरमाली, मगही, उड़िया, खोरठा, भोजपुरी भाषा शामिल छै।