Angika News | मुंगेर विश्वविद्यालय मँ अंगिका भाषा के पढ़ाय शुरू करै के कुलपति नँ देलकै आश्वासन | Angika.com

मुंगेर, 10 जनवरी, 2021 । 

मुंगेर विश्वविद्यालय केरौ कुलपति क भागलपुर सँ गेलो शिष्टमंडल तरफो सँ ज्ञापन सौंपी क माँग करलौ गेलो छै कि विवि मँ अंगिका भाषा के पढ़ाय के व्यवस्था करलो जाय ।

  

कुलपति श्री आर.के. वर्मा नँ शिष्टमंडल क आश्वासन देलकै कि मुंगेर विश्वविद्यालय मँ जल्दिये स्नातकोत्तर, स्नातक आरू सर्टिफिकेट कोर्स केरौ पढ़ाई शुरू करलो जैतै । हुनी कहलकै कि मुंगेर विश्वविद्यालय मँ अंगिका के पढ़ाय शुरू करै वास्तें एगो विशेषज्ञ केरौ टीम गठित करलो जैतै ।

 

शिष्टमंडल द्वारा मुंगेर विश्वविद्यालय केरौ कुलपति श्री आर.के. वर्मा क अंग वस्त्र सँ सम्मानित भी करलो गेलै । 

 

बितलो 8 जनवरी क कुलपति क ज्ञापन सौंपै वाला अंगिका भाषा-भाषी शिष्टमंडल मँ शामिल छेलै - अंशु सिंह, डॉ. अमरेंद्र, कैलाश बिहारी ठाकुर, विजेता मद्गलपुरी, श्वेता भारती, संजीत प्रभाकर आरनि।

Angika News | मुंगेर विश्वविद्यालय मँ अंगिका भाषा के पढ़ाय शुरू करै के कुलपति  नँ देलकै आश्वासन | Chancellor assured to start teaching Angika language in Munger University | Angika.com