Angika News | कोय भी हालत मँ बिहार के मुख्यमंत्री शनिच्चर क भदरिया के पुरातात्विक अवशेष वाला स्थल के भ्रमण करतै | Angika.com
अंगिका.कॉम केरौ फेसबुक पेज 'अंगिका संवाद' प आजकौ लिखलो पोस्ट क बिहार के मुख्यमंत्री महोदय श्री नीतीश कुमार नँ गंभीरता आरू सकारात्मक भाव सँ लेनअ छै । पोस्ट मँ कहलौ गेलौ रहै कि बिहार सरकार अंग देश के विकास आरू एकरौ अमूल्य धरोहर क संजोयै के प्रति घोर उदासीन छै । खबर छै कि कोय भी हालत मँ हुनी काल, शनिच्चर क भदरिया गाँव मँ चान्दन नदी किच्छा मँ मिललौ पुरातात्विक अवशेष वाला स्थल के अवलोकन वास्तें दौरा करतै । बतलैलौ गेलौ छै कि खराब मौसम के वजह सँ पहलै सँ निर्धारित शुक्रवार केरौ हुनकौ कार्यक्रम रद्द करी देलौ गेलौ रहै । लेकिन देर साँझ क मुख्यमंत्री जी केरौ कार्यक्रम तय करी क कोय भी हालत मँ शनिच्चर क भदरिया परिभ्रमण के निर्णय लेलौ गेलै ।
 |
| अंग प्रदेश केरौ बाँका के भदरिया गाँव के चाँदन नदी मँ मिललो पुरातात्विक अवशेष |
समाचार सारांश
- मुख्यमंत्री नीतीश कुमार शनिच्चर क भदरिया के पुरातात्विक अवशेष वाला स्थल के भ्रमण करतै
- अंग प्रदेश केरौ बाँका के भदरिया गाँव के चाँदन नदी मँ मिललो पुरातात्विक अवशेष
- पहले सँ निर्धारित शुक्रवार केरौ हुनको कार्यक्रम रद्द होय गेलौ रहै
- पोस्ट मँ कहलौ गेलौ रहै कि बिहार सरकार अंग देश के विकास आरू एकरौ अमूल्य धरोहर क संजोयै के प्रति घोर उदासीन छै
पटना, 11 दिसंबर, 2020 ।
बिहार के मुख्यमंत्री महोदय श्री नीतीश कुमार कोय भी हालत मँ काल, शनिच्चर क भदरिया गाँव मँ चान्दन नदी किच्छा मँ मिललौ पुरातात्विक अवशेष वाला स्थल के अवलोकन वास्तें दौरा करतै ।
बतलैलौ गेलौ छै कि खराब मौसम के वजह सँ पहलै सँ निर्धारित शुक्रवार केरौ हुनकौ कार्यक्रम रद्द करी देलौ गेलौ रहै । लेकिन आय देर साँझ क मुख्यमंत्री जी केरौ कार्यक्रम तय करी क कोय भी हालत मँ शनिच्चर क भदरिया परिभ्रमण के निर्णय लेलौ गेलै ।
अंगिका.कॉम केरौ फेसबुक पेज 'अंगिका संवाद' प कुंदन अमिताभ के आजकौ लिखलो पोस्ट क बिहार के मुख्यमंत्री महोदय श्री नीतीश कुमार नँ गंभीरता आरू सकारात्मक भाव सँ लेनअ छै । पोस्ट मँ कहलौ गेलौ रहै कि बिहार सरकार अंग देश के विकास आरू एकरौ अमूल्य धरोहर क संजोयै के प्रति घोर उदासीन छै ।
मुख्यमंत्री जी केरौ पहलै सँ निर्धारित शुक्रवार केरौ हुनकौ कार्यक्रम रद्द होला प अंगिका डॉट कॉम केरौ संस्थापक कुंदन अमिताभ नँ आपनौ पोस्ट मँ कहनै रहै कि अंग-सभ्यता जे कि विश्व केरौ प्राचीनतम सभ्यता छेकै, जे अखनकौ बिहार-झारखण्ड मँ स्थित छै, आरू जेकरौे प्रचीनतम होय के साक्ष्य अंग क्षेत्र मँ वर्षो सँ मिली रहलौ छै ओकरा प राष्ट्रीय,अन्तर्राष्ट्रीय त छोड़ी दहौ राज्य स्तर पर भी कोय उत्साहवर्धक हलचल नै दिखना एक बार फेरू सँ बिहार सरकार केरौ अंग देश के विकास आरू एकरौ अमूल्य धरोहर क संजोयै के प्रति घोर उदासीनता क रेखांकित करै छै ।
कुंदन अमिताभ नँ आजकौ दैनिक हिन्दुस्तान केरौ बाँका, भागलपुर सहित आरू संस्करण मँ छपलौ एगो महत्वपूर्ण खबर के भी हवाला देनै रहै जेकरा मँ अंगदेश केरौ महत्वपूर्ण पुरातात्विक अवशेष के संरक्षण के प्रति जारी घोर-अवहेलना के सरकारी धात प भी चिंता व्यक्त करलौ गेलौ छै ।
ई खबर मँ प्रसिद्ध पुरातत्वविद् पंडित अनूप कुमार बाजपेयी केरौ एगो वक्त्व्य भी छपलौ छै जेकरा मँ हुनी कहलै छै कि हुनी पिछला 32 साल मँ ई क्षेत्र केरौ गर्भ सँ बाहर ऐलौ मट्टी सँ निर्मित दैनिक जीवन के उपयोगी बरतन-बासन , खेलौना, मानव, माल-जाल, पंछी सिनी के मूर्ति आरनी क देखलै छै आरू अंग-सभ्यता सम्बन्धी ई सब जानकारी क समेटतें हुनकौ किताब 'विश्व की प्राचीनतम सभ्यता' प्रकाशित भी हो चुकलौ छै।
एकरो पहनै 9 दिसंबर क अंगिका संवाद प कुंदन अमिताभ नँ कहनै छेलै कि गुवारीडीह, भदरिया मँ मिली रहलौ पुरातात्विक अवशेष एक बार फेरू सँ आजाद भारत के सरकार के कान मँ चिकरी-चिकरी क अंगदेश के प्राचीनता के अहसास कराय रहलौ छै कि अंग सभ्यता, अंगिका भाषा, अंग संस्कृति के आरू उपेक्षा उचित नै। लगभग 20 साल सँ यहै बात त कही रहलौ छै अंग क्षेत्र केरौ प्रसिद्ध पुरातत्वविद पंडित अनूप कुमार वाजपेयी । विश्व के प्राचीनतम सभ्यता, अंग-सभ्यता प हुनी 384 पन्ना के विशाल ग्रंथ भी प्रकाशित करी चुकलौ छै । बहुतायत मँ मिललौ जीवाश्म के प्रामाणिक आधार पर हुनको द्वारा अंग सभ्यता क विश्व केरौ प्राचीनतम सभ्यता सिद्ध करला के बावजूद, भारत सरकार के जानकारी मँ लानला के बावजूद बिहार, झारखंड आरू भारत सरकार के उदासीनता के आखिर की वजह छै ? सबसँ बड़ौ सवाल त यहै छै कि विश्व पटल प भारत के गौरव बढ़ावै वाला चीज के सरकार के दशकों सँ अनदेखी कि खाली मुख्यंत्री जी केरौ एक भ्रमण सँ सही होय जैतै ?
Angika Version | Hindi Version | English Version
पटना, 11 दिसंबर, 2020 ।
Angika Version | Hindi Version | English Version
Angika News | Chief Minister Nitish Kumar will visit site containing archaeological remains of Bhadaria tomorrow on Saturday even in worst weather conditions | Angika.com
Patna, 11 December, 2020.
No comments:
Post a Comment