Angika | खानपुर पंचायत मँ गीदड़ो के आतंक, 6 जनौ क भमोरी क करलकै जखमी | Angika.com
एगो एकदम नया तरह के घटनाक्रम मँ भागलपुर जिला के सुलतानगंज प्रखंड केरौ खानपुर पंचायत मँ पिछला दिना गीदड़ नँ 6 जनौ क भमोरी क घायल करी देलकै । एकरा चलतें ई पंचायत आरू अगल-बगल के गाँव, माल खानपुर, इंगलिश खानपुर, आबा, रसीदपुर, दौलतपुर आरनि मँ दहशत के माहौल व्यापत होय गेलौ छै । प्रशासन व सरकार क जल्दी सँ गीदड़ सँ लोगो सिनी क बचाबै के कोनो ठोस उपाय करना चाहिय्यौ, जेकरा सँ कि लोगौ सिनी क परंपरागत तरीका सँ छठ परब मनाबै मँ कोय बाधा नै उत्पन्न हुअय । भविष्य मँ इलाका मँ गीदड़ के हमला के शिकार कोय नै हुअय सकै, एकरा लेली भी सरकार दन्नें सँ स्थाई उपाय करै के जरूरत छै ।
Angika Version | Hindi Version | English Version
समाचार सारांश
- भागलपुर जिला के सुलतानगंज प्रखंड केरौ खानपुर पंचायत मँ गीदड़ें मचाय रहलौ छै आतंक
- इंगलिश खानपुर गाँव मँ नवंबर के एगो साँझ क 6 लोगो क गीदड़ नँ हमला करी जखमी करलकै
- आबा गाँव मँ भोररियाँ टहलै के दौरान गीदड़ के हमला सँ एगो आदमी मरतें-मरतें बचलै
खानपुर माल (सुलतानगंज)।
सुलतानगंज सँ 12 किलोमीटर दूर बसलौ खानपुर पंचायत मँ गीदड़ें आतंक मचाय रहलौ छै । जेकरा चलतें लोगौ सिनी मँ डोर-भय व्याप्त होय गेलौ छै । लोग सिनी अन्हार होला के बाद घरौ सँ बाहर निकलै सँ परहेज करै लागलौ छै ।
ई महीना के शुरूआत मँ सुलतानगंज प्रखंड के बाथ थाना क्षेत्र के खानपुर पंचायत केरौ इंगलिश खानपुर गाँव मँ एक दिना साँझैं 6 लोगो क गीदड़ नँ हमला करी भमोरी लेलकै । जेकरा चलतें सब्भे जखमी होय गेलै ।
खानपुर पंचायत केरौ मुखिया के प्रतिनिधि राहुल कुमार बिंद के अनुसार इंगलिश खानपुर गामौ के गोतम कुमार (उमर - 6 साल), आदर्श कुमार (उमर - 7 साल), उषा देवी (उमर - 43 साल), छतिश सिंह (उमर - 52 साल), छोटू कुमार (उमर - 25 साल), लक्ष्मी कुमारी (उमर - 4 साल) क गीदड़ नँ हमला करी क काटी क जखमी करी देलकै । हालाँकि जखमी होलौ सब्भे जनौ के प्राथमिक इलाज तत्काल करलौ गेलौ छेलै । बाद मँ टीका लगाबै ल सुलतानगंज रेफरल अस्पताल भेजै के बात कहलौ गेलौ छेलै ।
हुन्ने खबर छै कि खानपुर माल सँ सटलौ एगो आरू गाँव आबा मँ कुछ दिना पहिनै भोररियाँ टहलै के दौरान गीदड़ नँ एगो आदमी प अचानक सँ हमला करी देलकै । गदाल सुनला प लगीच मँ ही टहली रहलौ जनानी सिनी के एगो झुंड नँ ओकरा गीदड़ सँ बचैलकै । लोगो सिनी के कहना छै कि जों असकल्लो रहतियै त ओकरो जान बचना मोसकिल छेलै ।
Angika Version | Hindi Version | English Version
खानपुर माल (सुलतानगंज)।
सुलतानगंज से 12 किलोमीटर दूर बसे खानपुर पंचायत में गीदड़ों का आतंक मचा हुआ है । जिसके चलते आसपास के गाँवों के ग्रामीणों में भय व्याप्त हो गया है । लोग अँधेरा होने के बाद घरों से बाहर निकलने से परहेज करने लगे हैं ।
नवंबर महीना के शुरूआत में सुलतानगंज प्रखंड के बाथ थाना क्षेत्र के खानपुर पंचायत के इंगलिश खानपुर गाँव में एक दिन शाम को 6 लोगों को गीदड़ ने हमला कर जखमी कर दिया ।
खानपुर पंचायत के मुखिया के प्रतिनिधि राहुल कुमार बिंद के अनुसार इंगलिश खानपुर गाँव के गौतम कुमार (उमर - 6 साल), आदर्श कुमार (उमर - 7 साल), उषा देवी (उमर - 43 साल), छतिश सिंह (उमर - 52 साल), छोटू कुमार (उमर - 25 साल), लक्ष्मी कुमारी (उमर - 4 साल) को गीदड़ ने हमला करके काट कर जख्मी कर दिया । हालाँकि जख्मी हुए सभी जनों का प्राथमिक इलाज तत्काल किया गया था । बाद में टीका लगाने हेतु सुलतानगंज रेफरल अस्पताल भेजने की बात की गई थी ।
उधर खबर है कि खानपुर माल से सटे एक और गाँव आबा में कुछ दिन पहले एकदम सुबह में टहलने के दौरान गीदड़ ने एक आदमी पर अचानक से हमला कर दिया । चिल्लाने का शोर सुनकर निकट ही में टहल रही औरतों के एक झुंड ने उसे गीदड़ से बचा लिया । लोगों का कहना है कि अगर वह अकेला होता तो उसका जान बचना मुश्किल था ।
Angika Version | Hindi Version | English Version
Angika News | Terror of jackals in Khanpur Panchayat, injured 6 people by attacking them | Angika.com
Khanpur Mal (Sultanganj)
Earlier in the month of November, 6 people were wounded in the village English Khanpur of Khanpur Panchayat under Bath Thana of Sultanganj Block.
According to Rahul Kumar Bind, the representative of the head of Khanpur Panchayat--Gautam Kumar (Age - 6 years), Adarsh Kumar (Age - 7 years), Usha Devi (Age - 43 years), Chhatish Singh (Age - 52 years), Chhotu Kumar (Age - 25years), Lakshmi Kumari (Age - 4 years) of English Khanpur village have been injured by the jackal.
However, the first aid of all the injured persons was done immediately. Later there were talks regarding sending them to Sultanganj Referral Hospital for further treatment and vaccination.
In a similar incident a man was suddenly attacked by a jackal while walking in Aaba, a village adjacent to Khanpur Mal. Hearing the shouts, a herd of women wandering nearby rescued him from jackal. People say that if he was alone then it would have been difficult for him to survive.
No comments:
Post a Comment