Angika.com | पबजी सहित 118 मोबाइल ऐप प लगलै प्रतिबंध | News in Angika

नई दिल्ली, 2 सितंबर, 2020 ।  भारत सरकार नँ पबजी सहित 118 मोबाइल ऐप प प्रतिबंध लगाय देनै छै ।

 

सूचना प्रौद्योगिकी मंत्रालय नँ सूचना प्रौद्योगिकी अधिनियम केरौ धारा 69ए के अंतर्गत प्रदान करलौ गेलौ सूचना प्रौद्योगिकी (जनता द्वारा सूचना के उपयोग कोअवरुद्ध करै के प्रक्रिया आरू सुरक्षा उपाय) नियम, 2009 केरौ संबंधित प्रावधानौ के तहत देलौ गेलौ शक्तियो के उपयोग करतें हुअय आरू खतरा के उभरलौ प्रकृति क देखतें हुअय 118 ऐप्स क ब्लॉक करै के निर्णय लेनै छै । कैन्हेंकि उपलब्ध जानकारी के अनुसार ई सब वू गतिविधियो मँ शामिल छै जे भारत केरौ संप्रभुता आरू अखंडता, भारत के रक्षा, राज्य के सुरक्षा आरू सार्वजनिक व्यवस्था लेली नुकसानदेह छै।

 

सरकार केरौ सूचना प्रौद्योगिकी मंत्रालय क विभिन्न स्रोतौ सँ शिकायत मिललौ छेलै कि एंड्रॉइड आरू आईओएस प्लेटफॉर्म प उपलब्ध बहुत्ते मोबाइल ऐप उनकौ डाटा के दुरुपयोग करी रहलौ छै । ओकरो दुरुपयोग चोरी करै लेली आरू उपयोगकर्ता सिनी के डेटा क अनधिकृत तरीका सँ वैन्हौं सर्वरो पर प्रसारित करै लेली करलौ जाय रहलौ छै जे कि भारत के बाहर स्थित छै । ई आंकड़ा सब के संकलन आरू एकरौ माइनिंग व प्रोफाइलिंग वैन्हो तत्वों द्वारा करलौ जाय रहलौ छै जे राष्ट्रीय सुरक्षा आरू भारत के रक्षा लेली खतरनाक छै। ई प्रकार, ओकरौ प्रभाव अंततः भारत के संप्रभुता आरू अखंडता लेली नुकसानदेह छै। ई बहुत ही गंभीर मामला छेकै आरू ई तत्काल चिंता के विषय छेकै जेकरा लेली तुरंत कदम उठाबै के आवश्यकता छै।

 

भारत केरौ संप्रभुता आरू अखंडता, भारत केरौ रक्षा आरू राज्य केरौ सुरक्षा के हित क ध्यान में रखतें हुअय आरू संप्रभु शक्तियो के उपयोग करतें हुअय, भारत सरकार नँ मोबाइल आरू गैर-मोबाइल इंटरनेट सक्षम उपकरण दुनू मँ उपयोग करलौ जाय वाला 118 ऐप्स केरौ उपयोग क भारत सरकार नँ अवरुद्ध करै के फैसला करलै छै।

 

सरकार नँ आशा जतैलै छै कि ई कदम करोड़ों भारतीय मोबाइल आरू इंटरनेट उपयोगकर्ताओ के हितौ के रक्षा करतै । ई निर्णय भारतीय साइबरस्पेस केरौ सुरक्षा व संप्रभुता सुनिश्चित करै लेली एगो लक्षित कदम छेकै।