Angika.com | कैरिया, कहलगाँव मँ अंडी खेती आरू मशरूम उत्पादन के जानकारी दै लेली भेलै कार्यक्रम | News in Angika

कैरिया पंचायत, 7 सितंबर, 2020 । आय यहाँकरौ एगो एफ.पी.ओ. केरौ किसानौ सब क अंडी केरौ खेती के बारे मँ आरू मशरूम केरौ उत्पादन के बारे मँ जानकारी दै लेली  कार्यक्रम  आयोजित होलै ।

कहलगाँव प्रखंड केरौ कैरिया पंचायत मँ आत्मा भागलपुर, जीविका भागलपुर आरू उद्योग विभाग केरौ संयुक्त प्रयास सँ अंडी केरौ खेती आरू मशरूम उत्पादन बिषय प कार्यक्रम केरौ आयोजन करलौ गेलै ।

 

कोहल फार्मर्स प्रोड्यूसर्स कंपनी लिमिटेड, कैरिया, कहलगाँव के फार्म प आयोजित ई कार्यक्रम केरौ आयोजन जिला पदाधिकारी, भागलपुर केरौ निर्देश प करलौ गेलौ रहै ।

 

कार्यक्रम मँ एफ.पी.ओ. के किसानौ सिनी नँ जेकरा मँ जनानी किसानौ के संख्या जादा रहै उत्साहपूर्वक भाग लेलकै ।

 

एफ.पी.ओ. केरौ किसानौ के अलावा कार्यक्रम मँ भाग लै वाला अधिकारी सिनी मँ शामिल छेलै- श्री राम शरण राम, महाप्रबंधक, जिला उद्योग केंद्र, भागलपुर, श्री प्रभात कुमार सिंह, उप परियोजना निदेशक, आत्मा, भागलपुर, श्री चंदन कुमार सिंह, डी.पी.एम., जीविका, भागलपुर, श्री आशीष कुमार, प्रखंड तकनीकी प्रबंधक, आत्मा भागलपुर, त्रिभुवन नारायण सिंह,प्रखंड तकनीकी प्रबंधक, आत्मा भागलपुर, सुन्दरम भारती, सहायक तकनीकी प्रबंधक, ज्योति रानी, सहायक तकनीकी प्रबंधक, देवेन्द्र कुमार, बी.टी.एम., सत्येन्द्र नारायण सिंह, किसान सलाहकार, कैरिया आऱनि ।