टटका खबर | Latest News

[angika news][bigposts]

अंगदेश खबर | angdesh news

[angdesh][bsummary]

देश-प्रदेश खबर | National News

[Angika National][twocolumns]

Angika News | भीषण रोड दुर्घटना मँ गंभीर चोट के बाद हॉस्पीटल सँ डिस्चार्ज भेलै अंगिका के मशहूर लोक गायक छैला बिहारी आरू साथी लोक कलाकार सिनी | Angika.com

मुंबई, 24 सितंबर, 2020 । अंगिका केरौ मशहूर गायक व अभिनेता सुनील छैला बिहारी क रोहतक केरौ हॉस्पिटल सँ डिस्चार्ज मिली गेलौ छै । 

 

गत 16 सितंबर क एगो भीषण रोड दुर्घटना मँ गंभीर चोट के बाद ईलाज लेली हुनका आरू हुनकौ साथी लोक कलाकार सिनी क रोहतक केरौ एगो प्राइवेट हॉस्पीटल मँ भरती करैलौ गेलौ रहै । जहाँ सँ हुनका डिस्चार्ज द देलौ गेलौ छै । डॉक्टर द्वारा हुनका सिनी क कुछ दिना लेली बेड-रेस्ट के हिदायत देलौ गेलौ छै । अंगिका डॉट कॉम क ई जानकारी छैला बिहारी जी केरौ भाय आरू अंगिका गायक नीरज कुमार पाली जी नँ फोन प देलकै, जिनी खुद भी ई दुर्घटना मँ घायल होय गेलौ रहै ।

 

अंगिका डॉट कॉम क अंगिका गायक नीरज कुमार पाली जी द्वारा देलौ गेलौ जानकारी के अनुसार पटना सँ नई दिल्ली जाय घड़ियाँ हुनकौ गाड़ी जबै यमुना एक्सप्रेसवे प मथुरा लगाँ छेलै त ठीक आगू चली रहलौ गाड़ी के टायर फट्टी गेलै, जेकरा चलतें नॉर्मल स्पीड मँ चली रहलौ हुनकौ गाड़ी भी दुर्घटनाग्रस्त होय गेलै। नतीजतन सुनील छैला बिहारी, नीरज कुमार पाली सहित गाड़ी मँ सवार ठेकेदार सुबोध महतो आरू गाड़ी के ड्राइवर गंभीर रूप सँ घायल होय गेलौ रहै । 

 

Angika News | भीषण रोड दुर्घटना मँ गंभीर चोट के बाद हॉस्पीटल सँ डिस्चार्ज भेलै अंगिका के मशहूर लोक गायक छैला बिहारी आरू साथी लोक कलाकार सिनी | Angika.com

अंगिका के गायक व अभिनेता सुनील छैला बिहारी नँ आपनौ चाहै वाला सिनी द्वारा देलौ गेलौ शुभकामना के प्रति आभार जतैलै छै आरू कहलै छै कि एतना भीषण एक्सीडेंट के बावजूद हुनी ई लेली बची गेलै कैन्हेकि हुनका सथें हुनकौ चाहै वाला के दुआ हुनका साथ रहै । हुनी आशा जतैलै छै कि हुनी जल्दिये पूरा तरह सँ ठीक होय क काम प लौटतै ।

 

अंगिका डॉट कॉम के संस्थापक, अंगिका साहित्यकार कुंदन अमिताभ नँ अंगिका.कॉम परिवार तरफौ सँ सुनील छैला बिहारी जी, नीरज कुमार पाली जी सहित सब्भे घायल लोगौ के शीघ्र रिकवरी आरू पूरा तरह सँ ठीक होय लेली शुभकामना देलै छै । हुनी कहलै छै कि भगवान हुनका सब क जल्दी सँ जल्दी ठीक करी दिऐ । सथैं आपनौ एक्सीडेंट के अनुभव के आधार प हुनका सिनी सँ आग्रह करलै छै कि गल्लौ, माथौ आरू पीठ के चोट क हल्का मँ नै लेना चाहिय्यौ। भल्लौ ढंगौ सँ रिकवरी लेली कुछ दिन बेड रेस्ट प ही रहिय्यै आरू ओकरौ बाद कलै-कलै फिजियोथेरेपी कराना शुरू करियै । भगवान सब ठीक करी देतै ।

 

छैला बिहारी जी के डिस्चार्ज प प्रसन्नता व्यक्त करै वाला आरू जल्दी सँ जल्दी ठीक होय के शुभकामना व्यक्त करै वाला अंगिका साहित्यकार व अंगिका प्रेमी सिनी मँ शामिल छै; आदित्य राज, सुधीर कुमार प्रोग्रामर, मृदुला शुक्ला, शिवनंदन सलिल, कामदेव मंडल, डॉ. अमरेंद्र, अंशुमाला झा,  अंजनी कुमार शर्मा, शशिधर मेहता, गौतम  सुमन गर्जना, लक्ष्मीनारायण मधुलक्ष्मी, रामावतार राही, लतांत प्रसून, आदित्य मिश्रा, राजीव बनर्जी, विपल्व चौधरी, राकेश कुमार, राघवेन्द्र सिंह, अभिमन्यु कुमार, परमानंद मेहता, अनिल कुमार जयसवाल, ध्रुव कुमार, रोशन कुमार, श्रीनिवास उपाध्याय, शिवजी सिंह, महानंद मंडल, विभाकर ठाकुर, गौरव केसरी, रविकांत कुमार, अमित कुमार उपाध्याय, विशाल ठाकुर, तुषार कांत, पुनीत सिन्हा, मिथिलेश सिंह, त्रिलोकीनाथ दिवाकर, प्रभाकर झा, जीतेन्द्र कुमार, मुकेश मंडल, पंकज कुमार मिश्रा, आलोक मिश्रा, जोगा सिंह विर्क, रंजीत कुमार, कमल किशोर, हीरा प्रसाद हरेन्द्र आरनि ।

Angika News | Angika's famous folk singer Chhaila Bihari, fellow folk artists discharged from hospital after serious injury in horrific road accident | Angika.com

No comments: