टटका खबर | Latest News

[angika news][bigposts]

अंगदेश खबर | angdesh news

[angdesh][bsummary]

देश-प्रदेश खबर | National News

[Angika National][twocolumns]

Angika News |अंगिका क 8मो अनुसूची मँ डलबाय ल अखिल भारतीय अंगिका साहित्य कला मंच, झारखंड नँ लिखलकै प्रधान मंत्री क चिट्ठी | Angika.com

गोड्डा, 21 सितंबर, 2020 । अखिल भारतीय अंगिका साहित्य कला मंच, झारखंड प्रदेश नँ भारत केरौ प्रधानमंत्री क चिट्ठी लिखी क अंगिका भाषा क 8मो अनुसूची मँ शामिल करै के माँग करलै छै ।

 

मंच केरौ झारखंड प्रदेश महासचिव डॉ. प्रदीप प्रभात नँ प्रधानमंत्री क चिट्ठी लिखी क महत्वपूर्ण दस्तावेज आरू पुरानौ नक्शा संलग्न करतें अंगिका भाषा क 8मो अनुसूची मँ शामिल करै के माँग करलै छै ।


 

महासचिव डॉ. प्रदीप प्रभात नँ प्रधानमंत्री क लिखलौ चिट्ठी मँ कहलै छै कि अंगिका एगो प्राचीन भाषा छेकै, जे सातवीं सदी सँ ही साहित्य लेखन लेली उपयोग करलौ जाय रहलौ छै। ई झारखंड, बिहार केरौ महत्वपूर्ण भाषा छेकै । झारखंड मँ एकरा द्वितीय राजभाषा के दर्जा प्राप्त छै ।


पत्र सथें संलग्न दस्तावेज आरू प्राचीन नक्शा मँ केन्द्र सरकार द्वारा 1956 ई. मँ बनवैलौ अंगिका भाषा-भाषी क्षेत्र केरौ नक्शा भी शामिल छै  । ई नक्शा केन्द्र सरकार द्वारा 1956 ई. मँ गठित श्री पण्णिक्कर समिति द्वारा भाषाई आधार पर बनाय क भारत सरकार क सौंपलौ गेलौ रहै ।
पत्र सथें संलग्न दस्तावेज आरू प्राचीन नक्शा मँ  झारखंड राज्य केरौ वू असाधारण गजट के कॉपी भी छै जेकरा मँ अंगिका क झारखंड केरौ द्वितीय राजभाषा बनाबै के क्रम मँ बिहार राजभाषा अधिनियम 1950 मँ संशोधन संबंधी तथ्य समाहित करलौ गेलौ छै ।

 

Angika News | Akhil Bhartiya Angika Sahitya Kala Manch, Jharkhand wrote a letter to the Prime Minister to include Angika in the 8th schedule | Angika.com

No comments: