बाहुबली दुरूस्त, चन्द्रयान-२ अबय २२ जुलाय क लॉंच होतै | News in Angika

बाहुबली दुरूस्त, चन्द्रयान-२ अबय २२ जुलाय क लॉंच होतै ।

बेंगलुरू, १८ जुलाई, २०१९ । इसरो के मोताबिक चन्द्रयान-२ अबय २२ जुलाय क लॉंच होतै ।

चन्द्रयान-२ सोमवार २२ जुलाय क आन्ध्र प्रदेश केरौ श्रीहरिकोटा सँ दुपहर बाद २ बजी क ४३ मिनटो पर लॉंच होतै ।१५ जुलाय क तकनीकी खामी सँ टलला के बाद चन्द्रयान-२ क अबय २२ जुलाय क लॉंच करै के तैयारी चली रहलौ छै ।

बाहुबली के नाम सँ जानलो जाय वाला रॉकेट जीएसएलवी-एमके३ मँ जे खामी छेलै ओकरा स सुधारी देलौ गेलौ छै ।

Chandrayaan 2 is ready to take a billion dreams to the Moon — now stronger than ever before! Join us for the launch on Monday — 22 July, 2019 — at 2:43 PM IST.
#Chandrayaan2 #GSLVMkIII #ISRO pic.twitter.com/4ybFcHNkq6

— ISRO (@isro) July 18, 2019

इसरो नँ ट्वीट करी क २२ तारीख के लॉन्चिंग केरौ जानकारी देलै छै । अरबों भारतीय केरो सपना क चाँद पर ल जाय लेली तैयार चन्द्रयान-२ के लॉंचिग लेली इसरो पर अपार विश्वास जताबै लेली देशवासी क धन्यवाद देनै छै । इसरो नँ कहलै छै कि अधिक सँ अधिक उँचाई तलक पहुँचना भौतिकी आरू विश्वास के हिस्सा छेकै ।

Online registration for witnessing the launch of #GSLVMkIII-M1/#Chandrayaan2 from viewer's gallery at Satish Dhawan Space Centre SHAR, Sriharikota will commence from 1800 hrs IST on July 19, 2019

Registration link: https://t.co/3CbfTbkaOp

— ISRO (@isro) July 18, 2019

इसरो नँ ट्वीटर के माध्यम सँ जानकारी देनै छै कि २२ जुलाय क  चन्द्रयान-२ के लॉंचिग क सतीश धवन स्पेस सेन्टर श्रीहरिकोटा स्थित गैलरी सँ लाइव देखै लेली ऑनलाइन रजिस्ट्रेशन १९ जुलाय, ६ बजे शाम सँ शुरू होय रहलौ छै ।