शहीद निलेश केरऽ गाँव म॑ मुख्यमंत्री केरऽ दौरा सें गौरवान्वित महसूस करलकै अंग क्षेत्र केरऽलोग | News in Angika

उधाडीह (भागलपुर) । गत १७ जनवरी क॑ शहीद निलेश केरऽ गाँव म॑ मुख्यमंत्री केरऽ दौरा सें अंग क्षेत्र केरऽ ई इलाका के लोगें गौरवान्वित महसूस करलकै । हुनी कहलकै कि समाज सुधार सें ही असली विकास संभव छै ।

विकास कार्य केरऽ समीक्षा यात्रा के क्रम म॑ बिहार केरऽ मुख्यमंत्री नीतीश कुमार भागलपुर जिला केरऽ सुलतानगंज प्रखंड केरऽ उधाडीह गाँव केरऽ भ्रमण करलकै ।  भ्रमण केरऽ दौरान सात निश्चय अन्तर्गत चली रहलऽ विकास कार्य केरऽ प्रगति केरऽ जायजा लेलकै । मुख्यमंत्री न॑ पक्का गली, नाली, सब्भे घरऽ म॑ शौचालय, बिजली केरऽ कनेक्शन, सब्भे घरऽ म॑ जऽल लेली नऽल केरऽ बारे म॑ गाँव वाला सब सें जानकारी लेलकै ।

[wzslider autoplay="true"]

मुख्यमंत्री न॑ शहीद निलेश कुमार नयन केरऽ घऽर जाय क॑ हुनकऽ चित्र प॑ अपनऽ श्रद्धा सुमन अर्पित करलकै । साथ ही हुनकऽ माता श्रीमती बुलबुल देवी आरू पिता श्री तरूण कुमार सिंह आरू परिवारजनऽ सें मिली क॑ सान्त्वना देलकै । शहीद केरऽ परिजन क॑ मुख्यमंत्री तरफऽ सें आश्वासन देलऽ गेलै कि राज्य सरकार तरफऽ सें हर संभव सहायता प्रदान करलऽ जैतै । ज्ञातव्य छै कि निलेश कुमार नयन भारतीय वायुसेना केरऽ गरूड़ कंमाडों दल म॑ तैनात छेलै । ११ अक्टूबर २०१७ क॑ जम्मू-कश्मीर केरऽ बांदीपुरा क्षेत्र म॑ आतंकवादी सें मुठभेड़ म॑ हुनी शहीद होय गेलऽ छेलै ।

मुख्यमंत्री केरऽ कार्यक्रम लेली जुटलऽ भीड़ न॑ हीरा प्रसाद हरेंद्र आरू सुधीर कुमार प्रोग्रामर द्वारा सुनैलऽ गेलऽ अंगिका कविता आरू गीत के भी आनंद लेलकै ।

cm-32