बाँका केरऽ शोभानपुर, घनाय में अंगिका कवि गोष्ठी | News in Angika

बाँका । बाँका जिला अंतर्गत अमरपुर-शोभानपुर केरऽ घनाय म॑ मंगलवार क॑ एगो अंगिका भाषा कवि गोष्ठी केरऽ आयोजन करलऽ गेलै । संस्था दिशा ग्रामीण विकास मंच केरऽ सत्रहवाँ स्थापना दिवस प॑ आयोजित ई कार्यक्रम म॑ दिल्ली स॑ ऐलऽ कवि के अलावा अंगिका केरऽ गणमान्य कवि सिनी न॑ अंगिका भाषा के कविता पाठ करलकै । हर साल के तरह ई साल भी गांधी-उत्सव केरऽ दोसरऽ दिन कवि सम्मेलन के आयोजन होलै ।

अंगिका भाषा कवि गोष्ठी केरऽ संचालन करत॑ अंगिका भाषा के वरिष्ठ कवि सुधीर प्रोग्रामर

ई कार्यक्रम म॑ दिल्ली के सौरभ वाजपेयी, निलय उपाध्याय, बनारस के तनूजा मिश्रा केरऽ उपस्थिति म॑ कविवर हीरा प्रसाद हरेन्द्र, विजेता मुदगलपुरी, विकास सिंह गुल्टी, विशेस्वर शर्मा,विजय सिंह आदि न॑ अंगिका कविता आरू गीतऽ स॑ दर्शकऽ के दिल जीती लेलकै ।

अंगिका भाषा कवि गोष्ठी केरऽ लुत्फ उठैतं॑ दर्शक

दिल्ली विश्वविद्यालय केरऽ प्रोफेसर सौरव बाजपेयी कार्यक्रम केरऽ मुख्य अतिथि छेलै । अंगिका भाषा कवि गोष्ठी केरऽ संचालन अंगिका भाषा के कवि सुधीर प्रोग्रामर न॑ करलकै ।