भारत तेसरऽ बार बनलै एशिया कप हॉकी चैंपियन |News in Angika

ढाका : भारत न॑ एशिया कप हॉकी चैंपियनशिप में इतवार क॑ यहां मलयेशिया के कड़ा चुनौती के बावजूद २-१ सें जीत दर्ज करी क॑ दस साल बाद ई महाद्वीपीय प्रतियोगिता में अपनऽ परचम लहरैलकै आरू कुल तीसरा दफा खिताब अपनऽ नाम करलकै ।

भारत न॑ एकरऽ पहल॑ २००७ में चेन्नई में एशिया कप जीतल॑ छेलै । २००३ में कुआलालम्पुर में पहलऽ बार ई टूर्नामेंट भारत न॑ अपनऽ नाम करन॑ छेलै । भारत पहलऽ बार फाइनल में मलयेशिया के खिलाफ खेली रहलऽ छेलै । रमनदीप सिंह (तीसरा मिनट म॑) आरू ललित उपाध्याय (२९वाँ मिनट म॑) के गोल के बदौलत वू तेसरऽ बार ई खिताब जीती क॑ चिर प्रतिद्वंद्वी पाकिस्तान के बराबरी करै में सफल रहलै । दक्षिण कोरिया न॑ सर्वाधिक चार बार एशिया कप जीतल॑ छै ।