सचिन तेंदुलकर केरऽ श्रेष्ठ पारियऽ प॑ कॉमिक्स केरऽ प्रकाशन होतै | News in Angika

नई दिल्ली । क्रिकेट केरऽ भगवान के रूप म॑ जानलऽ जाय वाला दिग्गज भारतीय क्रिकेटर सचिन तेंदुलकर केरऽ जीवन पर आरू हुनकऽ खेललऽ गेलऽ श्रेष्ठ पारियऽ प॑ कॉमिक्स केरऽ प्रकाशन होतै ।

सचिन तेंदुलकर क्रिकेट स॑ संन्यास ल॑ चुकलऽ छै लेकिन हुनकऽ प्रशंसकों के संख्या म॑ कोय कमी नहीं होलऽ छै । हुनका उपर एगो फिल्म 'सचिन ए बिलियन ड्रीम्स' भी बनलऽ छै । अब सचिन एगो नया भूमिका म॑ लोगऽ के बीच पेश होतै । मीडिया के अनुसार सचिन केरऽ बेस्ट पारियऽ प॑ अब॑ कॉमिक्स प्रकाशित करलऽ जैते । यानी क्रिकेट केरऽ भगवान अब॑ मैदान स॑ बाहर कॉमिक्स प॑ छक्का-चौका मारतें नजर ऐतै । ई कॉमिक्स २५ पन्ना के होतै आरू एकरा म॑ सचिन केरऽ करियर स॑ जुड़लऽ दू यादगार पारियऽ के बारे म॑ विस्तार सें जानकारी देलऽ जैतै ।

 

महान भारतीय क्रिकेटर सचिन तेंदुलकर

एनडीटीवी केर एगो रिपोर्ट के अनुसार एगो कॉमिक पब्लिकेशन न॑ सचिन प॑ ई तरह के जानकारी दै के फैसला करन॑ छै । सचिन तेंदुलकर केरऽ पुरानऽ यादगार पारियऽ क॑ कॉमिक्स म॑ बेहतर ग्राफिक्स के साथ पेश करलऽ जैतै । कॉमिक्स में मुश्किल क्षणऽ म॑ खेललऽ गेलऽ सचिन के पारियऽ के अलावा हुनकऽ जिंदगी स॑ जुड़लऽ अहम पहलुओ के बारे म॑ भी बतैलऽ जैतै । ई कॉमिक्स म॑ सचिन एगो हीरो के रूप म॑ पेश करलऽ जैतै ।

सचिन न॑ अप्रैल १९९८ म॑ शारजाह म॑ ऑस्ट्रेलिया के खिलाफ दू शानदार पारी खेललऽ छेललै । ई दूनो पारियऽ के उल्लेख ई कॉमिक्स म॑ करलऽ जैतै। हाल ही म॑ सचिन केरऽ जीवन प॑ एगो फिल्म 'सचिन ए बिलियन ड्रीम्स' भी प्रसारित होलऽ छेलै । जेकरा म॑ सचिन केरऽ जिनगी स॑ जुड़लऽ कुछ अहम पहलु सब क॑ देखैलऽ गेलऽ छेलै । फैन्स लेली ई नया जानकारी छेलै । जेकरऽ जिक्र ओकरऽ पहलें मीडिया में कहिय्यो नै होलऽ छेलै ।

Source : http://www.amarujala.com/cricket/cricket-news/sachin-best-two-innnings-will-formate-in-two-comics प॑ आधारित समाचार