हिंदी क॑ आरू लोकप्रिय बनाबै लेली क्षेत्रीय भाषा सब क॑ सम्मान दै केरऽ राष्ट्रपति केरऽआह्वान | News in Angika

नयी दिल्ली : राष्ट्रपति रामनाथ कोविंद न॑ हिंदी भाषी लोगऽ स॑ कहल॑ छै कि देश म॑ हिंदी क॑ आरू लोकप्रिय बनाबै लेली हुनी क्षेत्रीय भाषा आरू ओकरा बोलै वाला क॑ आरू जगह आरू सम्मान द॑ । हिंदी दिवस केरऽ अवसर पर यहां एगो कार्यक्रम क॑ संबोधित करतें हुअ॑ राष्ट्रपति न॑ कहलकै कि हिंदी कई दशक पहले आधिकारिक भाषा बनी चुकलऽ छै। एकरऽ बावजूद देश केरऽ अनेक हिस्सा म॑ हिंदी क॑ आज भी लगातार विरोध के सामना करै ल॑ पड़ी रहलऽ छै ।

कार्यक्रम गृह मंत्रालय न॑ आयोजित करन॑ छेलै । ई मौका प॑ गृह मंत्री राजनाथ सिंह भी मौजूद छेलै । सिंह न॑ अपनऽ संबोधन म॑ कहलकै कि हिंदी क॑ आरू समृद्ध बनैलऽ जाब॑ सकै छै बशर्ते एकरा बोलै वाला अन्य भाषा सब के शब्दऽ के भी इस्तेमाल कर॑ ।

कोविंद न॑ कहलकै कि गैर हिंदी भाषी लोग चाहै छै कि हिंदी भाषी उनकऽ भाषा दन्न॑ समुचित ध्यान दिअ॑ । हिंदी भाषी लोगऽ क॑ अन्य भाषा सब क॑ भी जगह देना चाहियऽ । गैर हिंदी भाषी लोग आरू क्षेत्रीय भाषा क॑ सम्मान देना हमरा सबके जिम्मेदारी छेकै ।