देवघर म॑ खुलतै देश केरऽ सबसं॑ बड़ऽ मोटर ड्राइविंग ट्रेनिंग स्कूल

देवघर: देवघर मं॑ झारखंड केरऽ पहलऽ आरू देश केरऽ सबसं॑ बड़ऽ मोटर ड्राइविंग ट्रेनिंग स्कूल खुलतै ।  एकरा लेली जसीडीह म॑ जमीन चिह्नित करी लेलऽ गेलऽ छै । ई ड्राइविंग ट्रेनिंग स्कूल केरऽ आधारशिला दू अप्रैल क॑ महामहिम राष्ट्रपति रखतै ।  ई बात केरऽ जानकारी केंद्रीय कौशल विकास राज्यमंत्री(स्वतंत्र प्रभार) राजीव प्रताप रूड़ी द्वारा देलऽ गेलऽ छै ।