मोदी केरॊ ताजपोशी आज,राष्ट्रपति कॆ भेजलॊ गेलै कैबिनेट केरॊ लिस्ट | News in Angika
नई दिल्ली : राष्ट्रपति भवन केरॊ विशाल प्रांगण मॆं नरेन्द्र मोदी सैंकड़ों देशी-विदेशी मेहमानॊ के मौजूदगी मॆं देश केरॊ 15वाँ प्रधानमंत्री के तौर पर शाम 6 बजे शपथ ग्रहण करतै. मोदी केरॊ ताजपोशी के लेली सब तैयारी कॆ अंतिम रूप देलॊ जाय रहलॊ छै. आरू सुरक्षा चाक-चौबंद करलॊ जाय रहलॊ छै. हालाँकि इ समारोह पर बारिश केरॊ साया मंडराय रहलॊ छै आरू जों बारिश होय छै तॆ शपथ ग्रहण समारोह कॆ दरबार हाल मॆं स्थानांतरित करलॊ जाबै सकै छै.
लोकसभा चुनाव मॆं असकेल्ले दमॊ पर भाजपा के नैया पार लगाबै वाला मोदी आज पाक प्रधानमंत्री नवाज शरीफ आरू श्रीलंका के राष्ट्रपति महिदा राजपक्षे सहित दक्षिण एशियाई क्षेत्रीय सहयोग संगठन (दक्षेस) केरॊ तमाम नेता सीनी के साथ लगभग 4,000 मेहमानॊ केरॊ मौजूदगी मॆं पद आरू गोपनीयता के शपथ लॆ करी देश के बागडोर आपनॊ हाथॊ मॆं लेतै.
राष्ट्रपति प्रणव मुखर्जी राजसी भवन केरॊ आलीशान प्रांगण मॆं एक आलीशान समारोह मॆं 63 वर्षीय मोदी आरू हुनकॊ मंत्रिपरिषद केरॊ सहयोगियॊ कॆ भारतीय संविधान केरॊ शपथ दॆ करी आपनॊ पद के अनुरूप कार्य करै के दायित्व सौंपतै. इ मौका पर निवर्तमान प्रधानमंत्री मनमोहन सिंह, कांग्रेस अध्यक्षा सोनिया गांधी आरू पार्टी के उपाध्यक्ष राहुल गांधी भी मौजूद रहतै.
एकरॊ अलावा विभिन्न राज्यॊ के मुख्यमंत्री आरू राजनीतिक दलॊ के नेता भी इ समारोह मॆं आमंत्रित मेहमानॊ के सूची में छै. मोदी केरॊ माय हीराबेन के भी इ समारोह मॆ मौजूद रहै के संभावना छै. विदेशी अतिथि सीनी मॆं अफगानिस्तान के राष्ट्रपति हामिद कारजेई, भूटान के प्रधानमंत्री त्शेरिंग तोबगे, नेपाल के प्रधानमंत्री सुशील कोइराला आरू मालदीव के राष्ट्रपति अब्दुल्ला यामीन अब्दुल गयूम भी शामिल छै. बंगलादेश के प्रतिनिधित्व वहांकरॊ संसद केरॊ स्पीकर शिरीन चौधरी करथीन.
दक्षेस देशॊ के शासनाध्यक्ष आरू हुुनकॊ प्रतिनिधि सीनी के आगमन कॆ ध्यान मॆं रखते हुऎ अभेद्य सुरक्षा के बंदोबस्त करलॊ गेलॊ छै. अटल बिहारी वाजपेयी केरॊ नक्शे कदम पर चलतॆं हुए मोदी नॆ राष्ट्रपति भवन के ऐतिहासिक इमारत केरॊ प्रांगण मॆं शपथ ग्रहण करै के इच्छा जतैलॆ छै ताकि समारोह मॆं जादा सें जादा लोग शिरकत करॆ सकॆ. एकरॊ पहले चंद्रशेखर नॆ भी इ प्रांगण मॆं प्रधानमंत्री पद के शपथ लेनॆ रहै. शपथ ग्रहण समारोह लेली राजधानी मॆं भू सॆं सरंग तक सुरक्षा केरॊ ठीक वैन्हॆ इंतजामात करलॊ गेलॊ छै, जैन्हॊ कि गणतंत्र दिवस परेड के मौका पर होय छै. दिल्ली पुलिस के अनुसार रायसीना हिल्स केरॊ आसपास कई परत वाला सुरक्षा घेरा बनैलॊ जैतै. सूत्रॊ के अनुसार भारतीय वायुसेना नॆ क्षेत्र केरॊ हवाई क्षेत्र केरॊ सुरक्षा सुनिश्चित करै के वास्तॆं एक हवाई सुरक्षा व्यवस्था करनॆ छै आरू अति सुरक्षा वाला इलाका के आसपास तमाम ऊंच्चॊ इमारतॊ मॆं स्नाइपर्स तैनात करलॊ जाय रहलॊ छै. समूचा इलाका के सुरक्षा लेली सचल सुरक्षा दस्ता, विमान भेदी तोपे आरू एन.एस.जी. केरॊ शार्पशूटर तैनात करलॊ जैतै. अद्र्धसैनिक बल आरू दिल्ली पुलिस केरॊ जवान सीनी भी चप्पा-चप्पा के निगरानी करतै.
लोकसभा चुनाव मॆं असकेल्ले दमॊ पर भाजपा के नैया पार लगाबै वाला मोदी आज पाक प्रधानमंत्री नवाज शरीफ आरू श्रीलंका के राष्ट्रपति महिदा राजपक्षे सहित दक्षिण एशियाई क्षेत्रीय सहयोग संगठन (दक्षेस) केरॊ तमाम नेता सीनी के साथ लगभग 4,000 मेहमानॊ केरॊ मौजूदगी मॆं पद आरू गोपनीयता के शपथ लॆ करी देश के बागडोर आपनॊ हाथॊ मॆं लेतै.
राष्ट्रपति प्रणव मुखर्जी राजसी भवन केरॊ आलीशान प्रांगण मॆं एक आलीशान समारोह मॆं 63 वर्षीय मोदी आरू हुनकॊ मंत्रिपरिषद केरॊ सहयोगियॊ कॆ भारतीय संविधान केरॊ शपथ दॆ करी आपनॊ पद के अनुरूप कार्य करै के दायित्व सौंपतै. इ मौका पर निवर्तमान प्रधानमंत्री मनमोहन सिंह, कांग्रेस अध्यक्षा सोनिया गांधी आरू पार्टी के उपाध्यक्ष राहुल गांधी भी मौजूद रहतै.
एकरॊ अलावा विभिन्न राज्यॊ के मुख्यमंत्री आरू राजनीतिक दलॊ के नेता भी इ समारोह मॆं आमंत्रित मेहमानॊ के सूची में छै. मोदी केरॊ माय हीराबेन के भी इ समारोह मॆ मौजूद रहै के संभावना छै. विदेशी अतिथि सीनी मॆं अफगानिस्तान के राष्ट्रपति हामिद कारजेई, भूटान के प्रधानमंत्री त्शेरिंग तोबगे, नेपाल के प्रधानमंत्री सुशील कोइराला आरू मालदीव के राष्ट्रपति अब्दुल्ला यामीन अब्दुल गयूम भी शामिल छै. बंगलादेश के प्रतिनिधित्व वहांकरॊ संसद केरॊ स्पीकर शिरीन चौधरी करथीन.
दक्षेस देशॊ के शासनाध्यक्ष आरू हुुनकॊ प्रतिनिधि सीनी के आगमन कॆ ध्यान मॆं रखते हुऎ अभेद्य सुरक्षा के बंदोबस्त करलॊ गेलॊ छै. अटल बिहारी वाजपेयी केरॊ नक्शे कदम पर चलतॆं हुए मोदी नॆ राष्ट्रपति भवन के ऐतिहासिक इमारत केरॊ प्रांगण मॆं शपथ ग्रहण करै के इच्छा जतैलॆ छै ताकि समारोह मॆं जादा सें जादा लोग शिरकत करॆ सकॆ. एकरॊ पहले चंद्रशेखर नॆ भी इ प्रांगण मॆं प्रधानमंत्री पद के शपथ लेनॆ रहै. शपथ ग्रहण समारोह लेली राजधानी मॆं भू सॆं सरंग तक सुरक्षा केरॊ ठीक वैन्हॆ इंतजामात करलॊ गेलॊ छै, जैन्हॊ कि गणतंत्र दिवस परेड के मौका पर होय छै. दिल्ली पुलिस के अनुसार रायसीना हिल्स केरॊ आसपास कई परत वाला सुरक्षा घेरा बनैलॊ जैतै. सूत्रॊ के अनुसार भारतीय वायुसेना नॆ क्षेत्र केरॊ हवाई क्षेत्र केरॊ सुरक्षा सुनिश्चित करै के वास्तॆं एक हवाई सुरक्षा व्यवस्था करनॆ छै आरू अति सुरक्षा वाला इलाका के आसपास तमाम ऊंच्चॊ इमारतॊ मॆं स्नाइपर्स तैनात करलॊ जाय रहलॊ छै. समूचा इलाका के सुरक्षा लेली सचल सुरक्षा दस्ता, विमान भेदी तोपे आरू एन.एस.जी. केरॊ शार्पशूटर तैनात करलॊ जैतै. अद्र्धसैनिक बल आरू दिल्ली पुलिस केरॊ जवान सीनी भी चप्पा-चप्पा के निगरानी करतै.
No comments:
Post a Comment