टटका खबर | Latest News

[angika news][bigposts]

अंगदेश खबर | angdesh news

[angdesh][bsummary]

देश-प्रदेश खबर | National News

[Angika National][twocolumns]

Angika News | अंगिका भाषा क भी मैथिली, भोजपुरी नाकी बिहार माध्यमिक विद्यालय परीक्षा केरौ मातृभाषा (MIL) / द्वितीय भारतीय भाषा (SIL) बिषय मँ शामिल करै के माँग | Angika.com

पटना, 25 सितंबर,2020 । करोड़ों लोगौ के अंगिका भाषा क मैथिली, भोजपुरी नाकीं बिहार विद्यालय परीक्षा समिति द्वारा आयोजित माध्यमिक / मैट्रिक परीक्षा केरौ मातृभाषा (MIL) / द्वितीय भारतीय भाषा (SIL) बिषय मँ शामिल करै के माँग आय बिहार केरौ मुख्य मंत्री सँ करलौ गेलौ छै ।

 

अखिल भारतीय अंग-अंगिका विकास मंच केरौ राष्ट्रीय महसचिव, कुंदन अमिताभ नँ  बिहार केरौ मुख्य मंत्री नितिश कुमार सँ माँग करलै छै कि अंगिका भाषा क मैथिली, भोजपुरी नाकीं बिहार विद्यालय परीक्षा समिति द्वारा आयोजित माध्यमिक / मैट्रिक परीक्षा केरौ मातृभाषा (MIL) / द्वितीय भारतीय भाषा (SIL) बिषय मँ शामिल करलौ जाय । 

Angika News | अंगिका भाषा क भी मैथिली, भोजपूरी नाकीं बिहार माध्यमिक परीक्षा केरौ मातृभाषा (MIL) / द्वितीय भारतीय भाषा (SIL) बिषय मँ शामिल करै के माँग | Angika.com
BSEB द्वारा 25 सितंबर, 2020 क बिहार के अखबार मँ जारी करलौ गेलौ सूचना

श्री अमिताभ नँ मुख्यमंत्री सँ सवाल करलै छै कि जबै बरसौं सँ मातृभाषा (MIL) के अंतर्गत मैथिली भाषा आरू द्वितीय भारतीय भाषा (SIL) के अंतर्गत भोजपुरी भाषा शामिल छै त अंगिका भाषा क एकरा मँ अखनी तलक कैन्हें नै शामिल करलौ गेलौ छै ?

 

अखिल भारतीय अंग-अंगिका विकास मंच नँ मुख्यमंत्री महोदय सँ अंगिका भाषा सथें मुँहदेखी करी क सौतेला व्यवहार बंद करै के आग्रह करलै छै । हुनी कहलै छै कि खाली झुनझुना थमाय क भागलपुर विश्वविद्यालय मँ अंगिका के 4 टा सहायक प्राध्यापक पद के भर्ती लेली विज्ञापन निकाली क खानापूर्ती करला सँ काम नै चलै वाला छै ।

 

अखिल भारतीय अंग-अंगिका विकास मंच केरौ राष्ट्रीय महसचिव, कुंदन अमिताभ नँ बिहार केरौ मुख्य मंत्री सँ माँग करलै छै कि कृपा करी क अंगिका भाषा क भी बिहार माध्यमिक परीक्षा केरौ मातृभाषा (MIL) / द्वितीय भारतीय भाषा (SIL) बिषय मँ शामिल करलौ जाय ।

 

पंजाबी भाषा के वरिष्ठ भाषाविद् व साहित्यकार डॉ. जोगा सिंह जी नँ भी  ई माँग के समर्थन करनै छै ।

 

ई बीच अंगिका के वरिष्ठ साहित्यकार श्री अनिरूद्ध प्रसाद विमल नँ कहलै छै कि  बिहार सरकार जल्दी अंगिका क बिहार माध्यमिक विद्यालय परीक्षा केरौ मातृभाषा (MIL) / द्वितीय भारतीय भाषा (SIL) बिषय मँ शामिल करय नै त आंदोलन के सामना करै ल तैयार होय जाय।

 

सिविल कोर्ट, गोड्डा मँ वकालत करी रहलौ श्री अनंत नारायण दूबे नँ कहलै छै कि अंग क्षेत्र केरौ जन-प्रतिनिधि सँ अंगिका क शामिल कराबै ल दबाब बनाना चाहिय्यौ, जेकरा स्वीकार होतै अंगिका भाषी केरौ वोट ओकरै पड़तै ।


अंगिका के साहित्यकार डॉ. अमरेंद्र, अंशुमाला झा, डॉ. सुजाता कुमारी, ब्रह्मदेव कुमार, शशिधर मेहता, शुभम पांडेय आरनि  नँ ई माँग क एकदम सही आरू जरूरी बतैलै छै ।

 

एकरौ अलावे ढेर सिनी अंगिका साहित्यकार व अंगिका प्रेमी  नँ ई माँग के समर्थन करलै छै, जेकरा मँ शामिल छै - अंजनी कुमार सुमन, प्रशांत सिन्हा,  रितुराज कश्यप,  अंजनी कुमार शर्मा, अमित कुमार, सजन कुमार, राजेश मेहता  आरनि ।

 

 

English Version / Translation of Angika News

Angika News | Demand to include Angika language like Maithili, Bhojpuri in the Mother Tongue (MIL) / Second Indian Language (SIL) subjects of Bihar Secondary School Examination  | Angika.com 

 

Patna, 25, Sept., 2020. Today, the Chief Minister of Bihar has been urged to include Angika language of crores of people like Maithili, Bhojpuri in the Mother Tongue (MIL) / Second Indian Language (SIL) subject of Secondary School Examination conducted by Bihar School Examination Board.

 

The National General Secretary of All India Anga Angika Vikas Manch, Kundan Amitabh has demanded from Bihar Chief Minister Nitish Kumar that Angika language like Maithili, Bhojpuri should be included in the subject of Mother Tongue (MIL) / Second Indian Language (SIL) of Secondary School Examination conducted by Bihar School Examination Board.

 

Mr. Amitabh has questioned the Chief Minister that when for years Maithili language under Mother Tongue (MIL) and Bhojpuri language under Second Indian language (SIL) have been included, then why has Angika language not been included in it yet? 

 

The National General Secretary of All India Anga-Angika Vikas Manch has urged the Chief Minister to immediately stop the stepmotherly treatment being given to Angika language. Mr. Amitabh has stated that  publishing out advertisements for recruitment for the 4 posts of Assistant Professors of Angika in Tilkamanjhi Bhagalpur University is merely promising a lollipop which is not going to work further. 

 

The National General Secretary of All India Anga-Angika Vikas Manch, Kundan Amitabh has urged the Chief Minister of Bihar that kindly Angika language also be included immediately in to the Mother Tongue (MIL) / Second Indian Language (SIL) subjects of Bihar Secondary School Examination.

 

Senior Punjabi language litterateur & linguist Dr. Joga Singh ji has also supported this demand of All India Angika Vikas Manch.

 

Meanwhile, Angika's senior litterateur Mr. Anirudh Prasad Vimal has said that the Bihar government should immediately include Angika in the Mother Tongue (MIL) / Second Indian Language (SIL) subject of Bihar Secondary School Examination, otherwise get ready to face the movement.

 

Shri Anant Narayan Dubey, Advocate in Civil Court, Godda, has said that pressure should be exerted on public representatives of Anga area to get Angika included . Those who accept it will be voted by Angika speakers in coming election. 

 

Angika litterateurs Dr. Amarendra, Anshumala Jha, Dr. Sujata Kumari, Brahmadev Kumar, Shashidhar Mehta, etc have described this demand as perfect and necessary.

 

Apart from this, many Angika litterateurs and Angika lovers have supported this demand, which includes - Anjani Kumar Suman, Prashant Sinha, Rituraj Kashyap, Anjani Kumar Sharma, Shubham Pandey, Amit Kumar, Sajan Kumar, Rajesh Mehta etc.

No comments: