*******************************************************
*********************************************************************
भागलपुर-बोकारो आरू गिरीडीह बस सेवा शुरू
भागलपुर. फरवरी 23, 2009. बिहार राज्य पथ परिवहन निगम के धनबाद प्रमंडल नॆ भागलपुर सॆं बोकारो आरू गिरीडीह लेली एक बार पुन: बस सेवा शुरू करी देनॆ छै. इ जानकारी धनबाद केरॊ प्रमंडलीय प्रबंधक तेज नारायण तिवारी नॆ देनॆ छै. हुनी बतैलकै कि बोकारो लेली बस भियानै छह बजे भागलपुर स्टेशन सॆं खुलतै. इ बस सुल्तानगंज, असरगंज, तारापुर, बेलहर, कटोरिया, देवघर, धनवाद होतॆं बोकारो तक जैतै. पहिनॆ इ बस सेवा दोस्ताना रुप सॆं भागलपुर आरू धनबाद प्रमंडल लेली चलै रहै. बीच मॆं इ बस सेवा बंद करी देलॊ गेलॊ रहै. गिरीडीह लेली बस भियानै आठ बजे भागलपुर स्टेशन सॆं खुलतै. इ बस भी सुल्तानगंज, तारापुर, कटोरिया होतॆं गिरीडीह तक जैतै.
****************************************************************************
*************************************************************************************