*******************************************************
*********************************************************************
विक्रमशिला एक्सप्रेस मॆ 81 बर्थ वाला स्लीपर कोच
भागलपुर(Mar 30,2008). विक्रमशिला एक्सप्रेस में पहलॊ अप्रैल सॆं 81 बर्थ वाला स्लीपर कोच लगैलॊ जैतै. इ स्लीपर कोच के 10 डब्बा भागलपुर पहुंची चुकलॊ छै आरू डब्बा केरॊ एक दू दिना में आबी जाय के संभावना छै. विक्रमशिला एक्सप्रेस केरॊ तीन रैक लेली 30 स्लीपर डब्बा के आवश्यकता छै. पहलॊ अप्रैल सॆं 81 बर्थ वाला कोच लेली टिकट कटना भी शुरू होय जैतै. उक्त कोच मॆं यात्रा करै वाला सीनी कॆ टिकट मॆं पांच प्रतिशत कम भाड़ा जमा करै लॆ पङतै. विक्रमशिला एक्सप्रेस मॆं 81 बर्थ केरॊ डब्बा लगला के साथ ही इ ट्रेन मालदा मंडल के ऐसनॊ पहलॊ ट्रेन होय जैतै. पहलॊ अप्रैल सॆं नया डब्बा के परिचालन लेली विभागीय तैयारी शुरू करी देलॊ गेलॊ छै. हालांकि एकरॊ आधिकारिक घोषणा नै करलॊ गेलॊ छै. 81 बर्थ वाले कोच कॆ भारत अर्थ मुवर्स लिमिटेड बंगलुरु नॆ बनैनॆ छै. डब्बा मॆं साइड बर्थ दू के जगह पॆ तीन करी देलॊ गेलॊ छै.ऐन्हॊ अनुमान छै कि नया स्लीपर कोच के शुरू होला के बाद आरएसी के व्यवस्था समाप्त होय जैतै. कैन्हॆ कि साकरॊं बर्थ पर बैठी करी लोग ज्यादा दूर तलक यात्रा नै करॆ पारतै. अखनी विक्रमशिला एक्सप्रेस मॆं 10 स्लीपर कोच मॆं 720 बर्थ छै लेकिन एक अप्रैल से बर्थ बढ़ी कॆ 810 होय जैतै. .
****************************************************************************
*************************************************************************************