*******************************************************
*********************************************************************
भागलपुर रेशम आरू वस्त्र संस्थान के आधुनिकीकरण केरॊ प्रस्ताव
भागलपुर (Apr 12, 2008).रेशम संस्थान मॆं बीटेक कोर्स के पढ़ाय लेली अबॆ आधुनिकीकरण बाधक नै बनतै. संस्थान प्रबंधन नॆ आधुनिकीकरण लेली पौने चार करोड़ रुपये केरॊ प्रस्ताव विभाग कॆ भेजनॆ छै. इस प्रस्ताव कॆ सरकार के मंजूरी मिलला के बाद इ संस्थान हाईटेक बनी जैतै.जानकारी अनुसार वर्तमान मॆं यहां वोकेशनल कोर्स के पढ़ाय होय रहलॊ छै. संस्थान केरॊ प्राचार्य अजय महतो नॆ उद्योग निदेशक कॆ पत्र लिखी कॆ कहनॆ छै कि आधारभूत संरचना केरॊ अभाव मॆं यहां बीटेक कोर्स के पढ़ाय बंद छै. इ संस्थान सुंदर आरू आदर्श बनॆ सकॆ इ लेली एकरॊ आधुनिकीकरण के जरूरत छै. भेजलॊ गेलॊ प्रस्ताव मॆं आधुनिकीकरण लेली तीन करोड़ 72 लाख 70 हजार रुपये के राशि के जरूरत बतैलॊ गेलॊ छै. एआईसीईटी के टीम के रिपोर्ट पर यहां बीटेक कोर्स के पढ़ाय पर प्रतिबंध लगाय देलॊ गेलॊ छै. .
****************************************************************************
*************************************************************************************