*******************************************************
*********************************************************************
अश्लील होली गीत केरॊ विरोध करला पर गोली मारी कॆ हत्या
लखीसराय (Mar 27, '08). हलसी थाना केरॊ बरुई गांव मॆं 22 मार्च के रात कॆ अश्लील होली गीत गाबै के विरोध करला पर दोसरॊ पक्ष के लोगॊ नॆ 45 वर्षीय दशरथ उर्फ दासो यादव कॆ गोली मारी कॆ हत्या करी देलकै. जेकरा सॆं गांव मॆं मातमी सन्नाटा पसरी गेलै. मृतक केरॊ भाय चलितर यादव केरॊ बयान पर स्थानीय थाना मॆं आठ लोगॊ के विरुद्ध मामला दर्ज करलॊ गेलॊ छै. बादॊ मॆं पुलिसें लाश कॆ कब्जा मॆं लॆ करी पोस्टमार्टम लेली मुंगेर भेजलकै. सूत्रॊ के अनुसार होली पर्व केरॊ अवसर पर स्थानीय लोगॊ मॆं सॆं कुछ शराब पीबी कॆ रात करीब 9 बजे दशरथ यादव के घरॊ के पास आबी करी अश्लील व अभद्र होली गीत गाबॆ लगलै. अभद्र गीत सुनी कॆ दशरथ यादवें गायकॊ सीनी पर एन्हॊ गीत नै गाबै के दबाव बनैलकै लेकिन लोगें नै मानलकै. एकरा सॆं आक्रोशित श्री यादव नॆं गीत गाय रहलकॊ लोगों कॆ गाली दियॆ लागलै. एकरॊ बाद नशा में धुत्त गीत गाबी रहलॊ युवकें सीनी ओकरा साथॆं पहिनॆ तॆ लप्पड़-थप्पड़ लगैलकै आरू बादॊ मॆं एक नॆ कमर सॆं पिस्तौल निकाली कॆ ओकरॊ पेट में गोली मारी देलकै. गोली लगथै श्री यादव के मौत तत्काल होय गेलै.गांव केरॊ चौकीदार के सूचना पर हलसी थानाध्यक्ष कृपाशंकर आजाद केरॊ नेतृत्व मॆं पुलिसॆं वहां पहुंची करी मामले के जानकारी लेलकै. मृतक केरॊ भाय चलितर यादव केरॊ बयान पर गांमॊ के इन्द्रदेव यादव, लाछो यादव, राज कुमार यादव, भुना यादव, मनोज यादव, नागो यादव, विजय यादव आरू धनराज यादव के विरुद्ध मामला दर्ज करलॊ गेलॊ छै. इ घटना केरॊ बाद सॆं गांमॊ मॆं तनाव व्याप्त होय गेलॊ छै. .
****************************************************************************
*************************************************************************************