*******************************************************
*********************************************************************
पूर्णिया मॆं हर्षवर्द्धन काल केरॊ मूर्ति बरामद
पूर्णिया (Mar 25,'08). मुफस्सिल थाना क्षेत्र केरॊ रानीपतरा पैकागोला मॆं रविवार कॆ पुलिस नॆ एगॊ वृद्धा के घरॊ मॆं छापामारी करी कॆ हर्षवर्द्धन काल केरॊ पीतल के मूर्ति बरामद करनॆ छै. हालांकि अभी बरामद मूर्ति के जांच नै करैलॊ गेलॊ छै. एक अनुमान के मुताबिक साढ़े चार किलो केरॊ इ मूर्ति के कीमत तीन करोड़ हुऎ सकै छै. सूत्रॊ के अनुसार मुफस्सिल थाना पुलिस कॆ सूचना मिललै कि पैकागोला स्थित एक महिला के घरॊ मॆं सैकड़ों साल पुरानॊ मूर्ति छै. एकरॊ बाद पुलिस मसोमात दुलारी देवी केरॊ घर पहुंचलै. महिला नॆ बिना कोय बहाना बनैनॆ मूर्ति ओकरॊ सामने राखी देलकै. मुफस्सिल थानाध्यक्ष हरि ओझा के मुताबिक दुलारी देवी नॆ बतैलकै कि दू महीना पहिने ओकरॊ बारह वर्षीय बेटा गाय जोरै लेली किल्ला गारी रहलॊ छेलै कि इहे दौरान ओकरॊ इ मूर्ति मिललै. बेटां आरू हम्मॆं एकरा साधारण मूर्ति समझी कॆ केखरौ कुछू नै बतैलियै. साढ़े चार किलो केरॊ इ मूर्ति केरॊ सिर पर त्रिशूल के निशान छै, आरू रख-रखाव सॆं लगै छै कि इ हर्षवर्द्धन काल केरॊ होय सकै छै..
****************************************************************************
*************************************************************************************