अंगिका केरॊ साहित्यकार श्री आर. प्रवेश कॆ "लोक भाषा साहित्य सम्मान"

अगस्त, 30, 2009.

भागलपुर. विलम्ब सॆं प्राप्त समाचारॊ के अनुसार बिहार राष्ट्रभाषा परिषद, पटना नॆ अंगिका केरॊ साहित्यकार श्री आर. प्रवेश कॆ हुनकॊ अंगिका भाषा आरू साहित्य केरॊ सेवा लेली "लोक भाषा साहित्य सम्मान" सॆं सम्मानित करलॆ छै.

गत 22 फरवरी 2009 कॆ पटना मॆं आयॊजित एगॊ सामारॊह मॆ बिहार केरॊ मानव संसाधन मंत्री, माननीय श्री हरिनारायण सिंह के कर कमलॊ सॆं श्री प्रवेश कॆ सम्मान स्वरूप सात हजार रूपया के राशि आरू एगॊ शॉल प्रदान करलॊ गेलै.

इ पहलॊ मौका छेकै जबॆ बिहार राष्ट्रभाषा परिषद, पटना द्वारा अंगिका के कोनो साहित्यकार कॆ "लोक भाषा साहित्य सम्मान" सॆं सम्मानित करलॊ गेलॊ छै.

बिहार केरॊ शंभुगंज प्रखंड अन्तर्गत गुलनी कुशाहा गाँव केरॊ श्री आर. प्रवेश अंगिका भाषा केरॊ पुस्तक केरॊ रचनाकार के अलावा, अंगिका भाषा केरॊ पत्रक के प्रकाशन आरॊ संगठनात्मक कार्यॊ मॆ संलग्न छै.