अंगिका भाषा कॆ सम्मान दिलाबै लेली मंत्री आरू सांसद के पुतला आगिन मॆ झोंकलॊ गेलै

28 अगस्त,2009.

भागलपुर. अंगिका भाषा कॆ सम्मान दै के मांग कॆ लॆ कॆ शुक्रवार कॆ अंग उत्थानान्दोलन समिति के तत्वावधान मॆं शहीद चौकॊ पर मंत्री अश्रि्वनी कुमार चौबे आरू सांसद शाहनवाज हुसैन के पुतला दहन करलॊ गेलै. समिति केरॊ अध्यक्ष गौतम सुमन केरॊ नेतृत्व मॆं निकाललॊ जुलूस मॆं शामिल लोगें मातम मनाय रहलॊ छेलै.

पुतला दहन के बाद लोग सीनी समाहरणालय के समक्ष भूख हड़ताल पर बैठी गेलै. वक्ता सीनी नॆ कहलकै कि स्थानीय मंत्री आरू सांसद अंगिका भाषा केरॊ उत्थान के नाम पर चुप्पी साधनॆ छै. जब तलक मांग पूरा नै होय छै, तब तलक भूख हड़ताल जारी रहतै.

विजय सिंह धावक नॆ कहलकै कि अंग देश आरू अंगिका सता परिवर्तन के कूबत रखै छै. गौतम सुमन नॆ कहलकै कि 21 जिला मॆं बोललॊ जाय वाला चार करोड़ लोगॊ के मातृभाषा अंगिका छेकै. लेकिन एकरॊ उत्थान के प्रति जनप्रतिनिधि व राज्य सरकार मौन छै. समिति केरॊ उप सचिव मनमौजी अंगपूरी नॆ कहलकै कि अंगिका भाषा कॆ सम्मान नै देना अपमान छेकै जे राजहित मॆं नै छै. कैन्हेकि सम्मान के बिना कोय भी भाषा अपंग छै. संगीता सुमन नॆ कहलकै कि जोन देश मॆ भाषा आरू संस्कृति पर प्रहार होय छै वू देश मृतप्राय छै.

पुतला दहन स्थल पर उपस्थित सुनील कुमार सिंह, दिलीप बसेरा, पूजा कुमारी, डा. जयंत जलद, उमेश दास, निरंजन साह, पवन बसेरा, श्रवण बसेरा, कुंदन कुमार, विजय साह, दिलीप कुमार सोनी, धनश्याम साह, रामावतार राही, कृष्ण मोहन किसलय, ओमप्रकाश वैद्य आदि नॆ भी आपनॊ विचार वयक्त करलकै.