होरी गीतॊ सॆं अंग देशॊ के गांव सब गुंजायमान

मार्च 07, 2009

भागलपुर। जोगीरा सर रर.र., पत्ता तोड़ी -तोड़ी दोना बनाय, दोना बनाय दादी नाचै.। छोटो-छोटो बैंगनी के गछिया, चाकर-चाकर पतबा रे.. खेलनमा हाय रे झुमरी आदि होरी गीतॊ सॆं इ दिना यहांकरॊ गांवों गुंजायमान छै.इ मस्ती भरलॊ फागुन के फुहार मॆं गांमॊ के ननद -भौजाइ केरॊ दिल भी मचली जाय छै. गांमॊ के ननद सीनी चौपालॊ पर चली रहलॊ होली के मस्ती भरलॊ गीत केरॊ चुपके चुपके आनंद लय लेली भौजी सॆं फरियाद करै छै - 'चलॊ नॆ भौजी जरा देखियै कैन्हॊ गाबै छै होरी'.सुलतानगंज प्रखंड के कोना कोना मॆं होली के मस्ती भरलॊ त्योहार सिर चढ़ी कॆ बोलॆ लागलॊ छै.दूर दराज आरु परदेश मॆ रहै बाला ढेर सारा लोग होली मॆ आपनॊ बाल बच्चॊ सॆगॆं गांव लौटलॊ छै.जेकरा सॆं गांव केरॊ माहौल खुशनुमा होय गेलॊ छै.बूढा,बच्चा आरू नौजवान सब्भे होली केरॊ त्योहार मनाबै लॆ अभिये सॆं बेसब्री सॆं इंतजार करी रहलॊ छै.

*******************************************************

*********************************************************************

****************************************************************************

*************************************************************************************